اتىراۋ وبلىسىنىڭ ۇقك دەپارتامەنتىنىڭ قىزمەتكەرلەرى حالىقارالىق جانە قالاارالىق جولاۋشى تاسىمالىن جۇرگىزەتىن ادامداردان زاڭسىز جولمەن اقشا الۋمەن اينالىسقان توپتى ۇستادى. بۇل تۋرالى newtimes.kz-كە سىلتەمە بەرىپ Qamshy.kz اقپارات اگەنتتىگى حابارلايدى.
توپ مۇشەلەرىن 31 قاڭتاردا ۇستاعان. ۇقك-نىڭ مالىمەتىنشە، ولار پارا الۋمەن ەكى جىل بويى اينالىسقان. ءاربىر جۇرگىزۋشىدەن 5-25 مىڭ تەڭگە كولەمىندە پارا العان. سونىمەن بىرگە ۇستالعاندار ءداستۇرلى ەمەس ءدىني اعىم «ءسالافيزمدى» ۇستانعاندىعى انىقتالدى. توپتىڭ التى مۇشەسىنە قاتىستى «قاماۋعا الۋ» شاراسى قولدانىلدى.
