استانا قالاسى اكىمدىگىندە كەزەكتى اپپاراتتىق جينالىس ءوتىپ، وندا قوعامدىق قاۋىپسىزدىك، كوشە تازالىعى جانە جىلىتۋ ماۋسىمىنىڭ بارىسىنا قاتىستى ماسەلەلەر قاراستىرىلدى، دەپ جازادى Qamshy.kz اقپارات اگەنتتىگى.

تۇرعىن ءۇي قۇرىلىسىنداعى ۇلەسكەرلەردىڭ ماسەلەسىنە قاتىستى استانا قالاسى اكىمىنىڭ ورىنباسارى سەرگەي حوروشۋن بايانداما جاسادى.

«كەستەگە سايكەس 8 نىسان قاراستىرىلدى. وسى اپتادا العاشقى الدىن الا تىزىمگە ەنگەن سوڭعى 5 وبەكتىنى قاراستىرۋ جوسپارلانعان. بۇل ءتىزىم بويىنشا مۇلكى تۇك-نە وتكىزىلمەگەن «اسسم-01» ج ش س مەن «جاستار-4» قاراستىرىلعان جوق. اتالعان وبەكتىلەر مۇلكىنىڭ وتكىزىلۋىنە قاراي "نۇرلى جەر" تۇرعىن ءۇي قۇرىلىسى باعدارلاماسى اياسىندا قاراستىرىلاتىن بولادى»، – دەدى س. حوروشۋن.

سونداي-اق، ول «باحىت-11» ج ش س وبەكتىسى قارالىپ، قورىتىندىسى بويىنشا ءتيىستى ۇسىنىمدار جاسالعانىن ايتتى.

ونىڭ ايتۋىنشا، «ەلوردا قۇرىلىس كومپانياسى» ج ش س ۋاكىلەتتى ۇيىمى ۆاك وتىرىستارىندا قارالعان وبەكتىلەردىڭ قۇجاتتارىن الدىن الا سارالاۋ جۇمىستارىن جۇرگىزۋدە.

توتەنشە جاعدايلار، سانيتارلىق-ەپيدەميولوگيالىق جاعداي، قالا تىرشىلىگىن قامتاماسىز ەتۋ نىساندارىنىڭ اعىمداعى جاي-كۇيى جانە جىلىتۋ ماۋسىمىنىڭ بارىسى تۋرالى استانا قالاسى اكىمىنىڭ ورىنباسارى قوسمان ايتمۇحامەتوۆ باياندادى. ايتۋىنشا، وتكەن اپتادا توتەنشە جاعدايلار تىركەلگەن جوق، جۇقپالى اۋرۋلار بويىنشا ەپيدەميولوگيالىق جاعداي تۇراقتى، جىلىتۋ ماۋسىمى شتاتتىق رەجيمدە وتۋدە. جىلۋ جۇيەلەرىنىڭ تەمپەراتۋرالىق رەجيمى بەكىتىلگەن رەجيمدىك كارتاعا سايكەس ۇيىمداستىرىلعان.

دارى-دارمەك توبى مەن ونىڭ قورى تۋرالى بايانداعان استانا قالاسى اكىمىنىڭ ورىنباسارى ەرمەك امانشايەۆ قالا ستاسيونارلارى دارى-دارمەك جانە مەديسينالىق بۇيىمدار قورىمەن قامتاماسىز ەتىلگەنىن ايتتى. دارى-دارمەكپەن قامتاماسىز ەتۋ بويىنشا جاعداي باقىلاۋدا.

استاناداعى كريمينوگەندىك جاعداي جانە قۇقىقتىق ءتارتىپتى قامتاماسىز ەتۋگە باعىتتالعان ءىس-شارالار بويىنشا استانا قالاسىنىڭ ىشكى ىستەر دەپارتامەنتىنىڭ باسشىسى مارات قوجايەۆ ەسەپ بەردى.

«ەلوردادا جالپى وپەراتيۆتى جاعداي تۇراقتى. وتكەن اپتادا بارلىعى 603 قىلمىس تىركەلدى. «ءىزىن سۋىتپاي» 69، بۇرىن جاسالعان – 37، وتكەن جىلعى 47 قىلمىس اشىلدى. سوت پەن تەرگەۋدەن قاشىپ جۇرگەن 6 قىلمىسكەر ۇستالىپ، ءىز-تۇزسىز جوعالعان 6 ادام تابىلدى. 33 ادام ۋتي-نا قاماۋعا الىندى» – دەپ مالىمدەدى م. قوجايەۆ.

بەينەباقىلاۋ كامەرالارىنىڭ كومەگىمەن 18 قىلمىس جانە 1412 اكىمشىلىك قۇقىق بۇزۋشىلىق انىقتالدى.

قۇقىق بۇزۋشىلىقتارعا "مۇلدەم توزبەۋشىلىك" بويىنشا جۇمىستار جالعاسىپ جاتىر. 1172 اكىمشىلىك قۇقىق بۇزۋشىلىق تىركەلدى، ونىڭ ىشىندە ۇساق بۇزاقىلىق – 126، تىنىشتىقتى بۇزۋ – 102، 165 الكوگولدى ىشىمدىك ءىشۋ، قوعامدىق ورىنداردا ماس كۇيىندە ءجۇرۋ، 230 بەلگىلەنبەگەن ورىنداردا تەمەكى شەگۋ، 504 اباتتاندىرۋ ەرەجەلەرىن بۇزۋ، 45 بەلگىلەنبەگەن ورىنداردا ساۋدا جاساۋ.

ءبىر اپتادا 5 763 582 تەڭگەنى قۇرايتىن 1911 اكىمشىلىك قۇقىق بۇزۋشىلىق انىقتالىپ، ونىڭ 446 127 تەڭگەسى ءوندىرىلدى.

مارات قوجايەۆ 22 قاڭتار – 18 اقپان ارالىعىندا قالادا «اۆتوبۋس» جەدەل الدىن الۋ شارالارى جۇرگىزىلىپ جاتقانىن حابارلادى.

جول ءجۇرۋ قاۋىپسىزدىگى سالاسىندا 7 ملن 997 مىڭ 827 تەڭگە سوماسىنا 2 063 اكىمشىلىك قۇقىق بۇزۋشىلىق انىقتالىپ، توقتاتىلدى.

استانا قالاسى اكىمىنىڭ ءبىرىنشى ورىنباسارى سەرگەي حوروشۋن جاياۋ جۇرگىنشىلەر وتكەلدەرىنىڭ ماسەلەلەرىن شەشۋ جانە جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ جونىندەگى شارالار تۋرالى قالا اكىمى تاپسىرماسىنىڭ قالاي ورىندالىپ جاتقانىن باياندادى.

استانا اكىمى اسەت يسەكەشيەۆ رەتتەلمەگەن جاياۋ جۇرگىنشىلەر وتكەلدەرىندە باعدارشامداردى ورناتۋ جۇمىستارىن جىلدامداتۋدى تاپسىردى.

«ماگيسترالدى كوشەلەردە كولىك اعىمىن تەجەمەيتىن، وتكىزۋدى قامتاماسىز ەتەتىن اقىلدى باعدارشامدار قويۋدى تاپسىرامىن. سونداي-اق، جكو كوپ ورىن العان جاياۋ جۇرگىنشىلەر وتپەلەرىن جارىقتاندىرۋ قاجەت»، – دەدى ەلوردا اكىمى.

قالاداعى قوعامدىق كولىكتىڭ جۇمىسى تۋرالى جولاۋشىلار كولىگى باسقارماسىنىڭ باسشىسى بەكمىرزا يگەنبەردينوۆ باياندادى.

قالانى اباتتاندىرۋ سۇراقتارى بويىنشا «الماتى»، «ەسىل»، «سارىارقا» اۋدانىنىڭ اكىمدەرى بايانداما جاسادى.