تالعارداعى باس سۋ تورابى ءقازىر 8 ەلدى مەكەندى، سونىڭ ىشىندە تالعار قالاسىنىڭ تورتتەن ءبىر بولىگىن، ياعني 35 مىڭ حالىقتى اۋىز سۋمەن قامتىپ وتىر دەپ جازادى Qamshy.kz اقپارات اگەنتتىگى الماتى وبلىسى اكىمدىگىنە سىلتەمە بەرىپ.

- تالعاردا اۋىز سۋدىڭ ەكى باستاۋ كوزى بار - جەر استى سۋى جانە اشىق سۋ تورابى. اشىق سۋ تورابىنىڭ كەمشىلىگى - جاڭبىر كەزىندە سۋ لايلانادى. سوندىقتان الداعى ۋاقىتتا تالعاردا اۋىز سۋ ماسەلەسىن تولىق شەشۋ ءۇشىن تالعار قالاسىنداعى جەر استى سۋ كوزىندەگى سۋ تورابى جەلىسىنەن ءنومىرى 1ء-شى الاڭعا دەيىنگى ماگيسترالدى سۋ تاراتپاسىنىڭ قۇرىلىسى مەن جوندەۋ جۇمىستارىنىڭ جوبالىق-سمەتالىق قۇجاتتارى دايىندالدى. جوبانىڭ سمەتالىق قۇنى 1،3 ملرد. تەڭگە-، دەدى وبلىس اكىمى اماندىق باتالوۆ

وبلىس باسشىسى تالعار اۋدانى 200 مىڭنان استام حالقى بار وتە ۇلكەن اۋداننىڭ ءبىرى ەكەنىن ايتا كەلە، بيىلعى جىلى اۋداننىڭ نەگىزگى جوبالارى مەن جوسپارلارىندا ەلباسى جولداۋىندا ايتىلعان باسىمدىقتار باسشىلىققا الىنۋى ءتيىس ەكەنىن ەسكەرتتى.