رەسەيدىڭ نوريلسك قالاسىنىڭ دامۋ اگەنتتىگىنىڭ باسشىسى ءارى قالالىق كەڭەستىڭ دەپۋتاتى سەرگەي پانچەنكو قۇلاعان ان-148 ۇشاعىندا بولعان، دەپ حابارلايدى Qamshy.kz اقپارات اگەنتتىگى Otyrar.kz سايتىنا سىلتەمە جاساپ. 

ول وقو-نىڭ بەلىە ۆودى اۋىلىندا تۋىپ-وسكەن. 

1996 جىلى مارقۇم ومسك مەملەكەتتىك تەحنيكالىق ۋنيۆەرسيتەتىنىڭ باسپاحانا فاكۋلتەتىن "ينجەنەر-تەحنولوگ" ماماندىعى بويىنشا بىتىرگەن. سوسىن ماسكەۋدەگى ۇلتتىق زەرتتەۋ ۋنيۆەرسيتەتىنىڭ "جوعارى ەكونوميكا مەكتەبىن" "جالپى جانە ستراتەگيالىق مەنەدجمەنت" ماماندىعى بويىنشا اياقتاعان. 

العاشقى جۇمىسىن نوريلسك قالاسىندا باستاعان. باسپاحانادا مەحانيك، كەيىن ينجەنەر-مەحانيك بولىپ قىزمەت ىستەگەن  جانە باسپاحانا، رەداكسيالىق-باسپا كەشەنىندە باس ينجەنەر بولعان. 2017 جىلى كوممەرسيالىق ەمەس اۆتونومدى «نوريلسك دامۋ اگەنتتىگىن» باسقارعان. 

سەرگەي پانچەنكونىڭ ارتىندا ايەلى مەن ەكى بالاسى قالدى. 

ەسكە سالساق، ماسكەۋدىڭ دومودەدوۆو اۋەجايىنان كوككە كوتەرىلگەن ان-148 جولاۋشىلار ۇشاعى كوپ ۇزاماي راداردان جوعالىپ كەتتى. كەيىن ۇشاق قالدىقتارى ماسكەۋ وبلىسىنىڭ رامەنسك اۋدانىندا تابىلعانى انىقتالدى.  «ساراتوۆ اۋە جەلىلەرى» كومپانياسىنا تيەسىلى ۇشاقتىڭ بورتىندا 65 جولاۋشى مەن 6 ەكيپاج مۇشەسى بولعان. ولاردىڭ بارلىعى قازا تاپتى.