قازاقستاندا لاتىن الىپبيىنە كوشۋ باعدارلاماسى قابىلدانادى، - دەپ حابارلايدى Qamshy.kz پورتالى. بۇل تۋرالى مادەنيەت جانە سپورت ءمينيسترى ارىستانبەك ءمۇحامادي ۇلى وكق بريفينگىندە مالىمدەدى.
"2015 جىلدان باستاپ قازاقستاندا لاتىن الىپبيىنە كوشۋ باعدارلاماسى قابىلدانادى جانە ول كەستەگە ساي جۇرگىزىلىپ وتىرادى" دەدى مينيستر ا.ءمۇحامادي ۇلى.
مينيستر ءتۇسىندىرىپ وتكەندەي، ماسەلە ءبىلىم بەرۋ سالاسىنا قاتىستى جانە اتالعان ۇدەرىستى جەدەلدەتۋدىڭ قاجەتى جوق، سەبەبى قاجەتتى جاعداي ءالى جاسالماعان. «ءقازىر، ارينە، عالىمدار بۇل ماسەلەنى جان-جاقتى زەرتتەۋ ۇستىندە. لاتىن جازۋىن قازىرگى قولدانىستاعى كلاۆياتۋرا اياسىندا ەنگىزۋ ۇسىنىلدى. الايدا، ءبىزدىڭ ۇلتتىق دىبىستىق قۇندىلىقتارىمىز قوسىمشا شەشىمدەردى قاجەت ەتەدى. بۇل وڭاي ەمەس، سەبەبى بىزگە حالىقارالىق قاۋىمداستىققا تابيعي تۇردە ينتەگراسيالانۋ قاجەت»، - دەپ باسا ايتتى ول.
