قازاقستاندىقتار بۇگىننەن باستاپ بىرىككەن اراب امىرلىكتەرىنە ۆيزاسىز بارا الادى، دەپ حابارلايدى Qamshy.kz اقپارات اگەنتتىگى.
ق ر ءسىم قايرات ءابدىراحمانوۆ 2017 جىلى بىرىككەن اراب امىرلىكتەرىنە بارلىق ءتولقۇجات تۇرلەرىمەن ۆيزاسىز قاتىناۋ جونىندەگى كەلىسىم جاسالعانىن مالىمدەدى. اتالعان قۇجاتتى ءباا بارلىق امىرلىكتەرى ماقۇلدادى.
باا-دەگى ق ر ەلشىسى قايرات لاما شاريف ۆيزاسىز ساپار اياسىندا وتانداستارى نەنى ەسكەرۋى كەرەكتىگى تۋرالى ءوزىنىڭ الەۋمەتتىك جەلىدەگى پاراقشاسىندا جازدى.
قازاقستاندىقتار اتالعان ەلدە 30 كۇنگە دەيىن ۆيزاسىز جۇرە الادى. ال ول مەرزىمنەن اسىپ كەتسە ايىپپۇل تولەيدى. ايىپپۇل كولەمى جەرگىلىكتى زاڭناماعا سايكەس، ءبىرىنشى كۇنى 200 ديرحام، ال ودان كەيىنگى كۇندەر ءۇشىن 100 ديرحام بولىپ بەلگىلەنگەن. ۆيزاسىز رەجيم كەزىندە كەلىسسوزدەر مەن كەزدەسۋلەر وتكىزۋگە رۇقسات ەتىلگەن.
پىكىر قالدىرۋ