2015 جىلى ماۋسىمدا ءىز-تۇزسىز جوعالىپ كەتكەن 44 جاستاعى ەر ادامدى پوليسەيلەر الماتى وبلىسىندا تاپتى، دەپ حابارلايدى Qamshy.kz اقپارات اگەنتتىگى ءوڭىردىڭ ىشكى ىستەر دەپارتامەنتى باسپا ءسوز قىزمەتىنە سىلتەمە جاساي وتىرىپ.
ءۇش جىل بۇرىن قاراعاندى پوليسياسىنا قارت انا ۇلىنىڭ جوعالىپ كەتكەنى تۋرالى ارىز بەرگەن. ءىز-تۇزسىز جوعالعاندار تىزىمىنە تىركەلگەن قاراعاندىلىق وسى ۋاقىت بويى الماتى مەن قالا ماڭىنداعى اۋدانداردا ءجۇرىپتى.
"ەر ادام پوليسيا بولىمشەلەرىندە پايدالانىلاتىن، تۇلعانىڭ كىم ەكەنىن انىقتاۋ جۇيەسىنىڭ ارقاسىندا تابىلدى. ول جەكە كۋالىگىن اۋىستىرماق بولعان ەكەن. انىقتالعانداي، تۋىستارىمەن رەنجىسىپ ۇيدەن كەتىپ قالعان جىگىت ءۇش جىل بويى الماتى مەن قالا ماڭىنداعى اۋدانداردا جۇمىس ىستەپ، كۇن كورگەن. ءقازىر اقباستاۋ اۋىلىنداعى تانىستارىنىڭ ءبىرىنىڭ وتباسىندا تۇرادى"، — دەپ اتاپ ءوتتى ءىىد.
ەر ادام ۇيىنە قايتۋدان باس تارتتى، ءبىراق ونىڭ تابىلعاندىعى جانە جاعدايىنىڭ جاقسى ەكەندىگى تۋرالى جەدەلحات ونىڭ اناسى مەن قاراعاندى پوليسياسىنا جولدانعان.
