الەمدە اشارشىلىقتا كۇن كەشىپ جۇرگەن ادامداردىڭ قاتارى كۇن ساناپ ارتۋدا. 2017 جىلى 124 ملن ادام اشتىقتان زارداپ شەككەن. بۇل كورسەتكىش 2016 جىلمەن سالىستىرعاندا 11 ميلليونعا ارتقان.  بۇل جايىندا بۇۇ باسپا ءسوز قىزمەتىندە 22 ناۋرىزدا ەسەپ بەرۋ بارىسىندا  حابارلاندى.

باياندامادا ايتىلعانداي، اشتىقتىڭ سەبەبى — قاقتىعىس، قولايسىز اۋا رايى  جانە نەگىزگى ازىق-تۇلىك تاۋارلارىنا باعانىڭ ءوسۋى.

قارۋلى قاقتىعىستار 18 ەلدى اشتىققا اكەلدى، ونىڭ 15ء-ى افريكا مەن تاياۋ شىعىستا ورنالاسقان.

ال اۋا رايىنىڭ قولايسىزدىعى، ونىڭ ىشىندە قۇرعاقشىلىق 23 ەلدىڭ جاعدايىن ناشارلاتتى. ونىڭ ۇشەۋى افريكا ايماعىندا ورنالاسقان.

—  ميانما، سولتۇستىك-شىعىس نيگەريا، كونگو دەموكراتيالىق رەسپۋبليكاسى، وڭتۇستىك سۋدان جانە يەمەندەگى قاقتىعىستار سالدارىنان اشتىققا ۇشىراعان ادامداردىڭ سانى ارتىپ وتىر.   ال قۇرعاقشىلىق شىعىس جانە وڭتۇستىك افريكا حالقىنىڭ جاعدايىن اۋىرلاتىپ وتىر، - دەلىنگەن حابارلامادا.

2018 جىلى قاقتىعىس اۋعانستان، ورتالىق افريكا رەسپۋبليكاسى، كونگو دەموكراتيالىق رەسپۋبليكاسى، نيگەريا، وڭتۇستىك سۋدان، سيريا، ليۆيا، مالي جانە نيگەردە  ازىق-تۇلىك داعدارىستارىنا اكەلۋى مۇمكىن.

قۇرعاق اۋا رايى سومالي، ەفيوپيا، كەنيا جانە باتىس افريكادا، سونىمەن قاتار سەنەگال، چاد، نيگەر، مالي، ماۆريتانيا جانە بۋركينا-فاسو سياقتى اۋىلدىق جەرلەردە اشتىققا اكەلۋى مۇمكىن.

بۇگىنگى تاڭدا يەمەندە ازىق-تۇلىك داعدارىسى بەلەڭ العان. جوبا بويىنشا ەلدەگى جاعداي قيىنداي بەرەدى.