قازاقستان رەسپۋبليكاسى پارلامەنتىنىڭ سەناتى، الەۋمەتتىك-مادەني دامۋ جانە عىلىم كوميتەتىنىڭ مۇشەسى باقىتجان جۇماعۇلوۆ ن. نازاربايەۆتىڭ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋى اياسىندا ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ شىعارماشىلىق ۇجىمىمەن جۇزدەسۋگە ارنايى قوناققا كەلدى. 

كەزدەسۋدىڭ العى ءسوزىن  اتالمىش اكادەميانىڭ رەكتورى، پروفەسسور بيبىگۇل ءنۇسىپجانوۆا  اشىپ، سەنات دەپۋتاتىنا   ونەر شاڭىراعىندا سوڭعى ۋاقىتتا بولىپ جاتقان جاڭالىقتارمەن تانىستىردى. رەكتور  سەنات دەپۋتاتىنىڭ بيىك بەدەلىنىڭ ايعاعى رەتىندە تاعايىندالعان مەملەكەتتىك دارەجەلەرىمەن تانىستىرعان ساتتە: «رەسەيلىك ماتەماتيك-عالىم سادوۆنيچيي ايتقانداي، مۇنىڭ ءبارىن ايتپاي-اق قويۋعا بولار ەدى، الايدا مۇنىڭ بارلىعى دا شىندىق»، - دەپ كوپشىلىكتى ءبىر كۇلدىرىپ الدى.

سەنات اڭگىمەسىن جاستىق شاعىنىڭ قىزىقتى كۇندەرىنىڭ كۋاسى عيماراتتىڭ ءاربىر ورىندارىن ساعىنىشپەن ەسكە الا وتىرىپ، ەلباسىنىڭ جوعارى وقۋ ورىندارىنداعى الەۋمەتتىك باستامالاردى تالقىلادى.   

«پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىنىڭ ورنى زور. قازاق دانالىعى ايتادى: «جاقسى ءىستى كورگەندە جەتۋگە اسىق».  جوعارى  ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ جانە ت.ب. جاستاردىڭ الەۋمەتتىك ماقساتتاعى يگى ماقساتتارىنا باعىتتالىپ وتىر. الداعى وقۋ جىلىندا جاس تالاپكەرلەردىڭ بولاشاعى جارقىن بولۋىنا 20 مىڭ وقۋ گرانتى ءبولىنىپ،  ءبىلىمدى الامىن دەگەن جاستارعا داڭعىل جول اشىلىپ وتىرعاننىڭ ايعاعى»، - دەدى.   

سونداي-اق، سوڭعى جىلدارى ەلىمىزدە جاستار رەسەي سياقتى جاقىن جانە الىس شەت مەملەكەتتەرگە ءبىلىم ىزدەپ كەتۋشىلەردىڭ سانى ارتىپ وتىر. بۇل ماسەلە وڭ شەشىمىن تابۋ ءۇشىن ەلىمىزدەگى ءبىلىم بەرۋ ساپاسىن جاقسى جولعا قويۋ كەرەكتىگىن ايرىقشا اتاپ ايتتى. شىعارماشىلىق ۇجىمى  دەپۋتاتقا «شەت مەملەكەتتەردە ءبىلىم الىپ جاتقان جاستاردىڭ سانى كۇننەن كۇنگە ارتۋدا. مۇنىڭ ەلىمىزدىڭ الەۋمەتتىك-مادەني باعىتىنا كەرى اسەرى بولۋى مۇمكىن بە؟» دەگەن جۇرەكجاردى ويلارىن ورتاعا سالدى.   

«شەت ەلدە ءبىلىم الۋدىڭ جاقسى نە جامان ەكەنىن ءبىز ءقازىر ناقتى ەشتەڭە ايتا المايمىز. بۇل ۇدەرىستىڭ قانداي ناتيجە بەرەتىنىن تەك ون نە ون بەس جىلدان كەيىن عانا بايقاي الامىز. وسىنداي ماسەلەلەردى شەشۋ ءۇشىن  ەلباسىنىڭ ۇندەۋىندە ايتىلعان الەمدىك ستاندارتتارعا ساي ءبىلىم بەرۋ جۇيەسىن قالىپتاستىرا وتىرىپ، ستۋ­دەنتتەردىڭ ءبىلىم الۋىنا جانە تۇراتىن جەرىنە جاعداي جاساۋعا ءتيىستى نازار اۋدارۋىمىز قاجەت»، - دەپ ايرىقشا اتاپ ايتتى سەناتور.

باقىتجان تۇرسىن ۇلى ەلباسىنىڭ قاشاندا جاستارعا ۇلكەن ءۇمىت ارتاتىنىن ايتا كەلىپ، ماڭگىلىك ۇلت يدەياسىنىڭ نەگىزگى وزەگى – قازاق ونەرىن الەمگە پاش ەتەتىن  جاس ونەر يەلەرىنە  ۇلكەن ۇلەس قوساتىندارىنا سەنىمىن ءبىلدىردى. كەزدەسۋ بارىسىندا: «تەاتر ونەرى فاكۋلتەتىنىڭ دەكانى، پروفەسسور امان قۇلبايەۆ تاريحى باي كيەلى شاڭىراقتا تالاي قازاق ونەرىنىڭ تارلاندارى تۇلەپ ۇشتى.  

قازىرگى وقۋ تەاترىنىڭ ورىندارى وتە از بولعاندىقتان كەڭ ءارى بۇگىنگى زامان تالابىنا ساي  اكادەميا اۋلاسىندا جاڭا زاماناۋي ۇلگىدە تەاتر قاجەت بولىپ وتىر. ءتىپتى بۇل قۇرىلىستىڭ جوباسى دا دايىن تۇر، يەك قانا قولعا الىپ كىرىسۋ كەرەك. اكادەميانىڭ شىعارماشىلىق  كورسەتكىشتەرى ۇلكەن بيىكتىككە شىعۋ ءۇشىن  ەڭ الدىمەن جاڭا وقۋ تەاترى اسا قاجەت بولىپ وتىر»، - دەپ ءوز ساۋالىن جولدادى.

عىلىم  جانە ءبىلىم سالاسىندا باسشىلىق ەتكەن حالىق قالاۋلىسى ەلىمىزدەگى جوعارى وقۋ ورىندارىنداعى تۇيتكىلدى ماسەلەلەر توڭىرەگىندەگى ساۋالدارعا تالداپ-تالعاپ، تولىققاندى جاۋاپ بەردى.