كوكشەتاۋدا جولاۋشىلار اۆتوبۋسى جانىپ كەتتى. بۇل تۋرالى جەرگىلىكتى الەۋمەتتىك جەلىدە بەينەجازبا تارادى، دەپ حابارلايدى Qamshy.kz اقپارات اگەنتتىگى.

الەۋمەتتىك جەلى قولدانۋشىلاردىڭ اتالمىش بەينەجازبا استىنا قالدىرعان پىكىرىنە قاراعاندا، وقيعا ءساۋىردىڭ 13-ىنەن 14-نە قاراعان ءتۇنى كوكشەتاۋ قالاسىنان استانا باعىتىنا شىعا بەرىستە بولعان.

كوكشەتاۋدا ورتەنگەن اۆتوبۋستا 25 ادام بولعانى انىقتالدى. ولاردىڭ بارلىعى "كوكشە سەمەنت" اق جۇمىسشىلارى مەن جولاۋشىلار، دەپ حابارلايدى قازاقپارات ءىىد باسپا ءسوز قىزمەتىنە سىلتەمە جاساپ.

ۆەدومستۆونىڭ باسپا ءسوز قىزمەتىنىڭ مالىمەتى بويىنشا وقيعا تۇنگى ساعات 23:00-دەن اسا ورىن العان. "اۆتوبۋس  "كوكشە سەمەنت" اق تيەسىلى. قوعامدىق كولىكتىڭ ىشىندە 25 ادام بولدى. ولار ءبىرجان سال اۋدانىنداعى زاوزەرنوە اۋىلىنداعى كىرپىش زاۋىتىنان ۆاحتادان ۇيلەرىنە كەلە جاتقان جۇمىسشىلار مەن جولاۋشىلار. زارداپ شەككەندەر جوق. كولىكتىڭ ىشىندە بولعانداردىڭ بارلىعى قۇتقارىلدى. قۇتقارۋ جۇمىستارىنا جول پاترۋلدىك پوليسياسى باتالونىنىڭ قىزمەتكەرلەرى اتسالىستى"، دەپ ءتۇسىندىردى ءىىد باسپا ءسوز حاتشىسى گ.پينچۋك.

قازىرگى كەزدە وسى وقيعاعا بايلانىستى تەكسەرىس جۇرگىزىلۋدە.