تۇركيا رەسپۋبليكاسى قارۋلى كۇشتەرى سيرياداعى "شاح ەفرات" وپەراسياسىن اياقتادى، - دەپ حابارلايدى Qamshy.kz پورتالى. سيريانىڭ بىرنەشە اۋداندارىن قورشاۋعا العان تۇرىك اسكەرلەرى بۇگىن حالەپ قالاسىنا باسىپ كىرگەن.
ەردوعان اسكەرلەرى باسىپ العان كاراكوزاك اۋىلىندا ورنالاسقان سۇلەيمان شاح كەسەنەسىنىڭ ماڭىندا تۇركيا تۋى تىگىلگەن.
«پرەزيدەنت تايىپ ەردوعان ۇكىمەت پەن تۇرىك قارۋلى كۇشتەرىن سيرياداعى ءساتتى وتكەن اسكەري وپەراسيامەن ۇكىمەت مۇشەلەرىن قۇتتىقتادى»دەپ جازادى "TRT Avaz" ارناسى.
"تۇرىك ميللەتى ءۇشىن وتە تابىستى وتكەن اسكەري وپەراسيانى جۇزەگە اسىرعان ۇكىمەت پەن قارۋلى كۇشتەردى ءوزىمنىڭ جانە بۇكىل تۇركيا اتىنان قۇتتىقتايمىن"،-دەدى رەجەپ تايىپ ەردوعان.
سونداي-اق، "ءبىزدىڭ بۇل وپەراسيانى وتكىزۋدەگى ماقساتىمىز - سۇلەيمان شاح كەسەنەسى ايماعىنداعى ىشكى-سوعىس تۋدىرۋشىلاردى ىعىستىرىپ، ەۆاكۋاسيالاۋ بولاتىن. "شاح ەفرات" وپەراسياسى ارقىلى سۇلەيمان شاح كەسەنەسى مەن سول ايماقتاعى ءبىزدىڭ اسكەريلەردى امان-ەسەن تۇركياعا اكەلۋ ەدى. ءبىزدىڭ قارۋلى كۇشتەر ول مۇددەدەن تولىقتاي شىقتى"،-دەدى پرەزيدەنت ەردوعان.
قازىرگى تاڭدا سۇلەيمان شاحتىڭ ءمايىتى تۇرىك اسكەرلەرى تاراپىنان باقىلاۋعا الىنىپ، سول ايماققا تۇرىك بايراعىن تىككەن. الداعى ۋاقىتتا تۇركيا سيريانىڭ ەشمە ايماعىنا سۇلەيمان شاحتىڭ مازارىن قايتا ورناتاتىندارىن مالىمدەدى.
"وسى جولعى "شاح ەفرات" وپەراسياسى بارىسىندا قازا تاپقان اسكەريلەردىڭ وتباسى مەن تۋعان-تۋىسقاندارىنا كوڭىل ايتامىن"،-دەدى ەردوعان.
