وڭىرلىك كوممۋنيكاسيالار قىزمەتىنىڭ الاڭىندا «قورداي اۋدانىنىڭ الەۋمەتتىك ەكونوميكالىق دامۋى، 2018 جىلعا قويىلعان مىندەتتەرى تۋرالى» باسپا ءسوز كونفەرەنسيا ءوتتى دەپ جازادى Qamshy.kz اقپارات اگەنتتىگى.  جيىنعا قورداي اۋدانىنىڭ اكىمى بايتولە بولاتبەك بايقونىس ۇلى قاتىسىپ، تاقىرىپ اياسىندا بايانداما جاسادى.

سپيكەردىڭ سوزىنە سۇيەنسەك، جاقسى جانە قاناعاتتانارلىق جاعدايداعى وبلىستىق جانە اۋداندىق ماڭىزداعى اۆتوجولداردىڭ ۇلەسى 2017 جىلدىڭ قورىتىندىسىمەن 83،3 پايىزدى قۇرايدى، 2018 جىلعا بۇل كورسەتكىش 84 پايىزعا دەيىن جەتكىزۋ جوسپارلانعان.

«اۆتوموبيل جولدارىنىڭ جۇمىس ىستەۋىن قامتاماسىز ەتۋ» باعدارلاماسى بويىنشا وبلىستىق جانە اۋداندىق بيۋدجەتتەن 430590 مىڭ تەڭگە ءبولىنىپ، يگەرىلدى، ونىڭ ىشىندە: ۇزىندىعى 14،2 شاقىرىم بولاتىن 7 نىسان بويىنشا اۆتوجولعا ورتاشا جوندەۋگە- 222030 مىڭ تەڭگە، ۇزىندىعى 95،9 شاقىرىم بولاتىن 17 نىسان بويىنشا اۆتوجولعا اعىمدى جوندەۋ جۇمىستارىنا-155523 مىڭ تەڭگە، وبلىستىق جانە اۋداندىق ماڭىزى بار اۆتوجولداردى قىس مەزگىلىندە كۇتىپ ۇستاۋ جۇمىستارىنا-53037 مىڭ تەڭگە.

بۇگىنگى تاڭدا اۋداندا ورتاشا جوندەۋ جۇمىستاردى جۇرگىزۋگە 1442813 مىڭ تەڭگەگە 5 نىسانعا جوبالىق-سمەتالىق قۇجاتتامالارى ازىرلەنىپ، وبلىستىق قۇرىلىس جانە اۆتوموبيل جولدارى باسقارماسىنا تاپسىرىلدى.

2018 جىلعا اۋداندىق ماڭىزى بار اۆتوموبيل جولدارىنىڭ جانە ەلدى مەكەندەردىڭ كوشەلەرىنىڭ جولدارىن ورتاشا جوندەۋىنە بارلىعى 197247 مىڭ تەڭگە.

سونىمەن قاتار، اۋىلدىق وكرۋگ بيۋدجەت ەسەبىنەن «وڭىرلەردى دامىتۋ» باعدارلاماسى اياسىندا 17 اۋىلدىق وكرۋگ بويىنشا اۋىلدىڭ ىشىندەگى، ۇزىندىعى 5،7 شاقىرىم قۇرايتىن 10 كوشەلەردى ورتاشا جوندەۋگە 54000 مىڭ تەڭگە، ۇزىندىعى 31،4 شاقىرىم قۇرايتىن 21 كوشەلەردى اعىمدى جوندەۋگە 61900 مىڭ تەڭگە جانە ءوز بيۋدجەت ەسەبىنەن 4 ەلدى مەكەننىڭ كوشەلەرىن ورتاشا جوندەۋگە 121709 مىڭ تەڭگە جانە جولداردى كۇتىپ ۇستاۋعا 11329 مىڭ تەڭگە جوسپارلعان،ونىڭ ىشىندە قورداي اۋىلى بويىنشا دومالاق انا كوشەنى ورتاشا جوندەۋ ءجۇمىستارىنا 103000 مىڭ تەڭگە جانە دومالاق انا كوشەسى بويىندا ورنالاسقان تراتۋارلادى جوندەۋگە 35216 مىڭ تەڭگە قاراستىرىلدى.

2017 جىلى پايدالانۋعا ەنگىزىلگەن تۇرعىن ۇيلەردىڭ جالپى كولەمى 56،5 مىڭ شارشى مەتردى، ناقتى كولەم يندەكسى 148،1 پايىز قۇرادى (01.12.2016 جىلعا 26،1 مىڭ شارشى مەتر نەمەسە 111،8%).

قازىرگى تاڭدا مەملەكەتتىك تۇرعىن ءۇي قورىنان تۇرعىن ۇيگە نەمەسە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيگە مۇقتاج ازامات رەتىندە 1206 ازامات كەزەكتە تۇر.

بۇگىنگى كۇنگە، ءبىر 50 پاتەرلىك 5 قاباتتى تۇرعىن ءۇي قۇرىلىسىنىڭ جوبالىق سمەتالىق قۇجاتتاماسى ازىرلەندى.

ءبىر 50 پاتەرلىك 5 قاباتتى تۇرعىن ءۇي سالۋعا 472،8 ملن. تەڭگە قاجەت، سونىمەن قاتار قوسىمشا ءۇش 50 پاتەرلىك 5 قاباتتى تۇرعىن ءۇي قۇرىلىسىنا ازىرلەنگەن ءۇش جوبالىق سمەتالىق قۇجاتتاماعا 9،9 ملن. تگ. جانە قۇرىلىسىنا 1958،4 ملن. تگ. قاجەت ەتەدى.

قورداي اۋدانى بويىنشا جەكە تۇرعىن ءۇي قۇرىلىسىنا جەر الۋعا 2006 جىلدان بەرى 12645 ادام كەزەكتە تۇر.

قورداي اۋىلىنداعى كەزەكتە تۇرعان 6748 ادامعا جەر ۋچاسكەلەرىن بەرۋ ءۇشىن 2012 جىلى باس جوسپارى ازىرلەنىپ، قوسىمشا 1465 گا جەر تەلىمى جاڭا تۇرعىن القاپتارىنا بولىنگەن.

بۇگىنگى كۇنگە 615 گا جەردە ورنالاسقان «شىعىس» جانە «سولتۇستىك» ىقشام اۋدانىندا 2776 ۋچاسكەگە ەلەكتر جۇيەلەرى قۇرىلىسى جۇرگىزىلگەن. 2017 جىلدان باستاپ وسى

القاپقا وبلىستىق بيۋدجەتتەن بولىنگەن قاراجاتقا جول قۇرىلىسىنىڭ جۇمىستارى جۇرگىزىلۋدە. سونىڭ ناتيجەسىندە 2017 جىلى قورداي اۋىلى بويىنشا 2006 جىلدان بەرى كەزەكتە تۇرعان ادامدارعا جەر ۋچاسكەلەرى بەرىلە باستالدى،- دەپ ءسوزىن قورىتىندىلادى اۋدان اكىمى.