ىشكى ىستەر مينيسترلىگىنىڭ مالىمەتىنە قاراعاندا بۇگىنگى تاڭدا قازاقستاندا 356 مىڭ اۆتوكولىك اي-80 بەنزينىن قۇيادى ەكەن. سونىڭ ىشىندە ولاردىڭ 138ء-ى مۇگەدەكتەردىڭ، 128 مىڭى موتوكولىكتەردىڭ ۇلەسىنە تيەدى.

اي-80 بەنزينى اي-92 بەنزينىنە قاراعاندا ەكى ەسە ارزان، ساپاسى دا تومەندەۋ.  ەۋرازيالىق ەكونوميكالىق وداقتىڭ (ەاەو) كەدەن وداعىنىڭ رەگلامەنتى ەكولوگيالىق تۇرعىدان تازا بەنزينگە كوشۋگە بايلانىستى 2018 جىلدىڭ 1 قاڭتارىنان باستاپ ك2 جانە ك3 ەكولوگيالىق كلاسىنا جاتاتىن بەنزيندەردى قازاقستان اۋماعىندا ساتىلمايتىن قىلدى. الايدا بۇل اي-80 (ول ك4 جانە ك5 جاتادى) بەنزينىن وندىرۋگە نەمەسە سىرتتان ساتىپ الۋعا تىيىم سالىنادى دەگەن ءسوز ەمەس. ءبىراق اتالمىش رەگلامەنتتى سىلتاۋراتقان بارلىق ججس قوجايىندارى ارزانداۋ اي-80 قاراعاندا كوبىرەك تابىس اكەلەتىن قىمبات بەنزيندەردى ساتۋ پايدالى بولعاندىقتان اي-80 بەنزينىن بارلىق ججس-تەن جوعالتىپ ۇلگەرگەن.             

سوندا جوعارىدا اتالعان كولىكتەر نەمەن جۇرۋگە ءتيىستى؟ امالى جوق ولار موتورلارىن باسقا بەنزينگە بەيىمدەۋگە ءماجبۇر. ال بۇل ارزان ەمەس، قىپ-قىزىل شىعىن. ونىڭ ۇستىنە كەيىر كولىكتەردىڭ اگرەگاتتارى بەيىمدەۋگە جارامايدى.

وسى مۇقتاجدارىن ايتىپ ماجىلىستەگى «حالىقتىق كوممۋنيستەر» فراكسياسىنىڭ دەپۋتاتتارىنا شاعىمدانعان حالىقتى جۋىردا ايقىن قوڭىروۆ باستاعان دەپۋتاتتار قولداپ، ۇكىمەتكە اي-80 بەنزينىن ءوندىرۋ مەن ساتۋدى جاپپاي قىسقارتۋدى كەيىنگە قالدىرۋ تۋرالى ءوتىنىش جاسادى. ءبىراق ونى ۇكىمەتتىڭ قولدار-قولداماسى بەلگىسىز.

س.ەلەۋ، ساراپشى