قاراعاندى وبلىسىنىڭ قارقارالى اۋدانىندا بيۋدجەتتەن 53 ميلليون تەڭگە جىمقىرۋعا قاتىسى بار تۇرعىن ۇي-كوممۋنالدىق شارۋاشىلىعى ءبولىم باسشىسى سوتتالدى، - دەپ حابارلايدى Tengrinews.kz ءتىلشىسى.
"9 ساۋىردە "قاراقارالى اۋدانى تۇرعىن ءۇي ينسپەكسياسىنىڭ تكش، جكاج ءبولىمى" مم باسشىسى 2016 جىلى "نۇرلى جەر" باعدارلاماسى بويىنشا بولىنگەن بيۋدجەت قارجىسىنان 52 ميلليون تەڭگە جىمقىرعانى ءۇشىن التى جىلعا باس بوستاندىعىنان ايىرىلدى"، - دەپ حابارلادى قاراعاندى وبلىسى بويىنشا سىبايلاس جەمقورلىققا قارسى ءىس-قيمىل اگەنتتىگى باسشىسىنىڭ ورىنباسارى ەرىك ەسەنوۆ. سوت ۇكىمى بويىنشا، ول التى جىلعا باس بوستاندىعىنان جانە مەملەكەتتىك قىزمەتتە قىزمەت ەتۋ قۇقىعىنان ءومىر بويىنا ايىرىلدى. سوتتالۋشىنىڭ مۇلكى تاركىلەنبەيدى جانە جازاسىن قاۋىپسىزدىگى ورتاشا قىلمىستىق-اتقارۋ مەكەمەسىندە وتەيدى. سوت مالىمەتى بويىنشا، 39 جاستاعى بۇرىنعى شەنەۋنىك كىناسىن تولىق مويىنداپ، پروكۋرورمەن كەلىسىمگە كەلگەن. ول وسى لاۋازىمدا 2015 جىلدان بەرى بولعان.
ءىس ماتەريالى بويىنشا، ايەل ادام بۇل ىسكە ءوزىنىڭ ازاماتتىق نەكەدەگى كۇيەۋىن تارتقان. جالعان كاسىپورىن ارقىلى تەندەر ۇتىپ الىپ، جۇمىستى اسىرىپ كورسەتىلگەن باعامەن جاساعان. ايتا كەتەيىك، ايەلدىڭ ازاماتتىق نەكەدەگى كۇيەۋىنە قاتىستى ءىس ونىڭ ولىمىنە بايلانىستى توقتاتىلدى. بۇل ىسكە قاتىستى وزگە تۇلعالارعا قاتىستى قوزعالعان ءىس بولەك قارالادى. كەسىلگەن جازانى سوتتالۋشى 5 جىلدان كەيىن وتەيدى، ويتكەنى ونىڭ ەمىزۋدەگى بالاسى بار. سونىمەن قاتار، سوتتالۋشىدان 19 ميلليون تەڭگە كولەمىندە ماتەريالدىق شىعىن ءوندىرىلدى.
پىكىر قالدىرۋ