2018 جىلدىڭ 16 مامىرى ساعات 10.00-دەن 13.00-گە دەيىن «استانا قالاسى اكىمدىگىنىڭ حالىقتى جۇمىسپەن قامتۋ ورتالىعى» كمم جالپىقالالىق بوس ورىندار جارمەڭكەسىن وتكىزەدى. ەلوردانىڭ 100-دەن اسا جۇمىس بەرۋشىلەرى ءوز كەزەگىندە حالىققا1000-نان استام بوس جۇمىس ورىندارىن ۇسىنادى، دەپ حابارلايدى Qamshy.kz اقپارات اگەنتتىگى. 

جارمەڭكە «جاستار» سارايىندا وتكىزىلمەك. (رەسپۋبليكا داڭعىلى،34)

جارمەڭكەگە قاتىسۋشىلار جۇمىس بەرۋشىلەرمەن تىكەلەي بايلانىسىپ، سۇحباتتاسا الادى. جۇمىس بەرۋشىلەر ۇسىنعان تالاپتارمەن تانىسىپ، ارنايى ساۋالناما تولتىرادى. سونىمەن قاتار، جۇمىسپەن قامتۋ ورتالىعىنىڭ ماماندارى ەڭبەكپەن قامتۋ، جۇمىسقا ورنالاسۋ، قايتا دايارلاۋ، جۇمىس ىزدەۋ تەحنولوگياسى، ەڭبەك نارىعىندا ءوزىن-وزى تانىستىرۋ، كاسىپتىك وقىتۋ جانە قوسىمشا كاسىبي ءبىلىم بەرۋ مۇمكىندىكتەرى تۋرالى كەڭەس بەرەدى. جوعارى جانە ارنايى وقۋ ورىندارىنىڭ تۇلەكتەرى جاستار تاجىريبەسى باعارلاماسىمەن تانىسا الادى. سايكەسىنشە ورتالىق قىزمەتكەرلەرى الەۋمەتتىك جۇمىس ورىندارىندا جۇمىسقا ورنالاسۋ ماسەلەسى تۋرالى مول ماعلۇمات بەرەدى.

اعىمداعى جىلدىڭ باسىنان باستاپ جۇمىسپەن قامتۋ ورتالىعىنا 7 081 ادام ءوتىنىش ءبىلدىردى. جالپى العاندا 2 652 ادام جۇمىس ىزدەسە، ونىڭ ىشىندە 1353 تۇراقتى جۇمىسكەر، بەلسەندى قولداۋ شارالارى - 1437 ۇمىتكەردى قامتيدى. قوسىمشا اقپارات     الۋ ءۇشىن    مىنا تەلەفونعا حابارلاسىڭىز: 8 (717) 257-86-88