ق ر مادەنيەت ءمينيسترى ارىستانبەك مۇحامەدي ۇلى 71ء-شى كانن كينوفەستيۆالىندە "ۇزدىك اكتريسا" اتانعان قازاقستاندىق سامال ەسلياموۆانى قۇتتىقتادى. 

"71ء-شى كانن كينوفەستيۆالىنىڭ حالىقارالىق قازىلار القاسى ۇزدىك ايەل ءرولى سىيلىعىن قازاقستاننىڭ تۋماسى، اكتريسا سامال ەسلياموۆاعا بەردى.

سامال گيتيس-تا وقىعان جانە ونىڭ ءبىرىنشى رەت تۇسكەن ءفيلمى سەرگەي دۆورسيەۆويعا ساتتىلىك الىپ كەلدى - ونىڭ "تيۋلپان" اتتى كارتيناسى 2008 جىلى قازاقستاننىڭ قاتىسۋىمەن، وقو بەتپاقدالادا ءتۇسىرىلدى، ول كانن كينوفەستيۆالى باعدارلاماسىنىڭ ماڭىزى جاعىنان ەكىنشى سانالاتىن "ەرەكشە كوزقاراس" گران-پريىن جەڭىپ الدى. تۋرا 10 جىل وتكەندە دۆورسيەۆوي مەن ەسلياموۆا "ايكا" جۇمىسىمەن تاعى ءبىر ساتتىلىككە جەتتى، ول ءفيلمدى بەس كينو كومپانيا تۇسىرگەن: "كينودۆور" اتتى سەرگەي دۆورسيەۆويدىڭ ستۋدياسى، سونىمەن قاتار، گەرمانيانىڭ، پولشانىڭ، قىتايدىڭ، قازاقستاننىڭ كومپانيالارى. بۇل شىعارماشىل تاندەمدى قۇتتىقتايمىن! سىزدەرگە ساتتىلىك جانە جاڭا جەڭىستەر تىلەيمىن!"، - دەدى مينيستر ءوزىنىڭ facebook پاراقشاسىنداعى قۇتتىقتاۋىندا.

ەستەرىڭىزگە سالا كەتەيىك، قازاقستاندىق سامال ەسلياموۆا 71ء-نشى كانن كينوفەستيۆالىندە ۇزدىك اكتريسا اتاندى. ول رەسەيلىك رەجيسسەر سەرگەي دۆورسيەۆويدىڭ "ايكا" اتتى كارتيناسىندا باستى ءرولدى سومداعان.