دەنساۋلىق ساقتاۋ ءمينيسترىنىڭ ورىنباسارى ەرىك ءبايجۇنىسوۆتىڭ ايتۋىنشا، جابىق مەكەمەلەردەگى قۇرت اۋرۋىنا شالدىققان ناۋقاستاردى ەمدەۋ دەڭگەيى 85 پايىزعا جەتكەن. ەلىمىزدەگى تۇرمەلەردە تۋبەركۋلەزگە قارسى كۇرەس كوڭىل كونشىتپەيدى. بۇگىن ءماجىلىس قابىرعاسىندا وتكەن الەۋمەتتىك-مادەني دامۋ كوميتەتىنىڭ كەزەكتى وتىرىسىندا وسى ماسەلە كوزعالدى. حالىق دەنساۋلىعى جايىندا بايانداما جاساعان دەنساۋلىق ساقتاۋ ءمينيسترىنىڭ ورىنباسارى ەرىك ءبايجۇنىسوۆتىڭ ايتۋىنشا، جابىق مەكەمەلەردەگى قۇرت اۋرۋىنا شالدىققان ناۋقاستاردى ەمدەۋ دەڭگەيى 85 پايىزعا جەتكەن. بۇدان بولەك، قوعام دەرتىنە اينالعان اراققا سالىنۋ، شىلىم شەگۋ سىندى زياندى ادەتتەرمەن قالاي قۇرەسىپ جاتقانىن باياندادى.وسى رەتتە ءسوز العان دەپۋتاتتار حالىقارالىق تاجيريبەنى جيناپ، ءتيىستى مينيسترلىكتەر تىزە قوسىپ كۇرەسۋ كەرەكتىگى ايتىلدى. ماسەلەن، نورۆەگيادا، مەرەكە كۇندەرى، دەمالىس كۇندەرى اراق ساتۋعا تىيىم سالىنعان. ونى بۇزعان مەيرامحانا، دۇكەندەر ليسەنزيادان ايرىلادى. نورۆەگيانىڭ وسى تاجيريبەسىن رەسەي دە ەنگىزىپ جاتىر. «تۋبەركۋلەزدىڭ تاپتىرماس ەمى - قىمىز. ال، بىزدە وسى ۇلتتىق تاعامنىڭ ءوندىرىسى جولعا قويىلماي كەلەدى»،دەپ اشىندى دەپۋتات الدان سمايىل. ونىڭ ايتۋىنشا، گەرمانيانىڭ وزىندە 50 مامانداندىرىلعان قىمىز فەرماسى بار. ال، رەسەي جىلىنا 500 توننا بالالار تاعامىن دايىندايدى، وسى قىمىزدان. ياكۋتيانىڭ وزىندە بارلىق بالاباقشا، مەكتەپتەردەگى بالالارعا تەگىن قىمىز بەرىلەدى ەكەن.

ەكىنشى ماسەلە - تاماقتانۋ. ءوزىمىز قانداي تاماق ءىشىپ وتىرمىز، سونى زەرتتەدىك پە؟ سوندىقتان وزىمىزدەگى تاماق ونىمدەرىن وندىرۋگە ۋاقىت جەتتى. http://kaztrk.kz