قازاق كينوسىنىڭ شىنايى جانكۇيەرلەرى ءۇشىن جاعىمدى جاڭالىق - «كيۆي» بەينەپورتالى قازاق فيلمدەرىن بىرىكتىرىپ، ارنايى ينتەرنەت-كينوزالىن اشىپ وتىر، دەپ جازادى «ايقىن» گازەتىنىڭ ءتىلشىسى ايگەرىم دوسىم. كينوزالدا كوركەم، تاريحي ءھام دەرەكتى كينوفيلمدەر توپتاستىرىلعان. ءتىپتى، انيماسيالىق كينوتۋىندىلارمەن قاتار، قازاق كينوسىنىڭ كلاسسيكالىق ۇلگىلەرى مەن سوڭعى كينولەنتالاردى دا تابۋعا بولادى. كiwi.kz/kazakhfilm دەپ اتالاتىن پورتالدان 23 وتاندىق ءونىمدى تابۋعا بولادى. كينوتۋىندىلاردى وڭاي ىزدەپ، ەركىن كورە الاسىز. قۋانتارلىعى، ءاربىر كينوسەانس ءۇشىن اقى تولەنبەيدى. بولاشاقتا مۇراعات قورى تولىقتىرىلادى. تاعى ءبىر قۋانتارلىق جايت، وتاندىق كينوتۋىندىلاردى تەك قازاقستاندىق كينوماندار عانا ەمەس، شەتەلدە تۇرا­تىن قانداستارىمىز دا تاماشالاي الادى. اتالمىش جوبا مادەنيەت جانە اقپارات مينيسترلىگى مەن قازاقستاندىق ينتەرنەتتى ءھام رەسۋرستاردى دامىتۋ اسسوسياسياسىنىڭ مۇرىندىق بولۋىمەن جۇزەگە اسىرىلىپ وتىر. ال «كيۆي» رەسۋرسى - جوبانىڭ نەگىزگى ارىپتەسى. http://www.inform.kz