گولليۆۋدتاعى ءارتىستىڭ جەكەجايى تاۋلىگىنە 4 500 دوللارعا بەرىلەدى، دەپ حابارلادى segodnya.ua سايتى.

لەوناردو دي كاپريونىڭ اقش-تا 5 ءۇيى بار. ءارتىستىڭ سيرەك پايدالاناتىن ۇيلەرىنىڭ ءبىرىن جالعا بەرۋى دە سودان. لەو پالم-سپرينگستەگى تانىمال جەكەجايىن بەرەتىندىگىن ايتقان.

جەكەجاي 1964 جىلى ارحيتەكتور دونالد ۆەكسلەرمەن ءانشى دينا شورعا ارنايى سالىنعان بولاتىن. دينا شور بۇل جەكەجايدا ءومىرىنىڭ سوڭىنا دەيىن تۇرعان ەكەن. كەيىننەن، ۇيگە كۇردەلى جوندەۋلەر جۇرگىزىلگەن. دي كاپريو ونى 2014 جىلدىڭ اقپانىندا 5،32 ميلليون دوللارعا ساتىپ العان.

ىشىندە 6 جاتىن بولمەسى، 5 جۋىناتىن بولمە، مۋزىكالىق بولمە، باسسەين، بىرنەشە الاۋوشاق، كىتاپحانا جانە ءاسۇيى بار.

جالعا بەرۋ سايتىندا ايتىلعانداي، جالعا الۋشى گولليۆۋد جۇلدىزدارى فرەنك سيناترا، مەريلين مونرو، ەليزابەت تەيلور، كەري گرانت، دين مارتين ي ەلۆيس پرەسلي تۇرعان جەكەجايلارمەن كورشىلەس بولۋ مۇمكىنىدىگىن الادى.