ەلىمىزدىڭ بۇرىمدىلارى مەن سىرعالىمدارىن الەمدىك ماڭىزى بار مەركەلەرىمەن قۇتتىقتاي كەلە ولار نازىك جاندىلار حاقىنداعى ءوز ويلارىن ورتاعا سالدى: نۇرلان ءالىمجان: "قىز بالانىڭ اقىلىنا كوركى ساي بولعانى دۇرىس. اتاقتى برەند كيىمدەردى كيىپ، ترەندتەردەن قالىسپاعاندىعىنىڭ ارقاسىندا تاريحتا قالعان ءبىر سۇلۋدى مىسالعا كەلتىرىڭىزشى؟ جوق. تاريحتاعى ارۋلار اقىلدىلىعىمەن، پاراساتىمەن ەل ەسىندە قالا ءبىلدى. الاش زيالىلارىنىڭ جارلارى ولاردىڭ قۇندى ەڭبەكتەرىن تىرنەكتەپ ءجۇرىپ جيناپ، وزدەرى دە قۋعىنعا ۇشىراسا دا، ەرلەرىنىڭ تىلەۋىن تىلەپ، وتىن سوندىرمەۋگە تىرىسقان عوي. قازاقتىڭ قىزدارىنا الدىڭعى بۋىن اجەلەرىنىڭ ارەكەتى ساباق بولۋى ءتيىس. ءتان سۇلۋلىعىنا ۋاقىت بەدەر سالادى، ءاجىم تۇسەدى. ال جاننىڭ سۇلۋلىعى اقىنداردىڭ جىرىنا اينالىپ، اڭىز بولىپ ايتىلىپ جاتادى. سوندىقتان اتى اڭىزعا اينالعان قىزدارىمىز كوپ بولسىن دەگىم كەلەدى. ماعان اقىلدى نازىك جاندىلار ۇنايدى. "ەركەك قۇلپىردى" دەگەن تىركەس بولمايدى. ءبىز قىز بالالارعا "قۇلپىرىپ كەتىپسىڭ " دەپ جاتامىز. ەندەشە مەرەكەلەرىڭىزبەن، ارۋلار!" جاسۇلان قىدىربايەۆ: "مەن قولى كىشكەنە قىزداردى ۇناتامىن. جارىمدى تاڭداعاندا دا قولىنا قارادىم. انام: "قولدارى كىشكەنە قىزدار ىسمەر، شەبەر، ءۇي شارۋاسىنا يكەمى بار بولادى"، - دەپ كەڭەس بەرگەن. كەلىنشەگىم دە سپورتشى. ءتىپتى بۇرىنعى بوكسشى قىز دەسەم، ءسىز تاڭ قالارسىز. ءبىراق مەنىڭ شاڭىراعىمنىڭ ءتۇتىنىن تۇتەتۋ ماقساتىندا بوكستى تاستادى. ءبىر ۇيگە ءبىر سپورتشى جەتەدى عوي". نۇرجان كەرمەنبايەۆ: "جاقىندا مەنىڭ وتباسىن قۇرعانىمدى كوپشىلىك ەستىگەن بولار. جاسىرمايمىن جان-جارىم مەنىڭ ونەرىمنىڭ جاناشىرى. ماماندىعى ەكونوميست. الدىمەن اناما تانىستىرىپ، سودان كەيىن عانا ۇيلەنۋ تۋرالى شەشىم قابىلدادىم. مەن قىزداردىڭ سىرتقى سۇلۋلىعىنا ءمان بەرەمىن. قاسىڭدا ەرتىپ جۇرگەن ارۋدىڭ كەلبەتتى بولعانىن كىم قالاماسىن؟ كەيبىرەۋلەر نۇرجاننىڭ قىزى انشىگە ءوزى ىزدەپ كەلىپ تانىسىپتى دەپ ايتىپ جاتىر. مەنىڭشە باقىت ءۇشىن كۇرەسۋ كەرەك. ول ماعان ءوزىنىڭ سەزىمى بارىن بىلدىرمەسە، مەن ونى ءومىر باقي بىلمەي وتەر ەدىم عوي. سوندىقتان نازىمنىڭ ارەكەتىن قۇپتايمىن".