تالدىقورعاندا تاعى ءبىر ادام مەنينگيتتەن قايتىس بولدى. بۇل اقپاراتتى وبلىس اكىمىنىڭ باسپا ءسوز حاتشىسى راستادى.
— 17 جاستاعى ستۋدەنت مەنينگيتتەن قايتىس بولدى. اۋرۋ جىلدام تۇردە وتكەن. ول اۋرۋحاناعا جەتكىزىلگەندە جاعدايى ناشار بولعان. ازىرگە ونىڭ قاي وقۋ ورنىنىڭ ستۋدەنتى ەكەنى انىقتالعان جوق، - دەدى وبلىس اكىمىنىڭ باسپا ءسوز حاتشىسى عالىمۇرات جۇكەل.
جۇكەلدىڭ مالىمەتىنشە، ناۋقاس 18.30 شاماسىنىدا تالدىقورعانداعى مۋلتيديسيپلينارلى اۋرۋحانادا كوز جۇمعان. ونىڭ ايتۋىنشا، ناۋقاس اۋرۋدى باسقالاردان جۇقتىرعان. ايتا كەتەرلىگى، وسىمەن تالدىقورعاندا مەنينگيتتەن ەكى ادام قايتىس بولدى. بۇعان دەيىن جۇقپالى اۋرۋلار اۋرۋحاناسىندا 2 جاستاعى قىز قايتىس بولعان.
