كوشى-قون زاڭناماسىن بۇزعان 17 مىڭ شەتەل ازاماتىنا ەل اۋماعىنا كىرۋگە تىيىم سالىندى. بۇل تۋرالى بۇگىن ىشكى ىستەر ءمينيسترى قالمۇحانبەت قاسىموۆ مالىمدەدى، دەپ حابارلايدى Sputnik قازاقستان . 

"ىشكi iستەر مينيسترلiگi كوشى-قون لەگىن باقىلاۋدى كۇشەيتتى. بىلتىر ەلىمىزدە 2،5 ميلليوننان استام شەتەلدىك بولىپ قايتسا، سونشا شەتەل ازامات ءبىزدىڭ ەل ارقىلى وتكەن. 20 ەلدىڭ ازاماتتارى ءۇشىن ۆيزاسىز كەلۋ ءتارتىبى ەنگىزىلدى، 45 ەلدىڭ ازاماتى 30 تاۋلىككە دەيىن ۆيزالىق راسىمدەرسىز جانە تىركەۋسىز جۇرە الادى. وسىنداي جاعدايلار پوليسيادان كوشى-قون رەجيمىنىڭ سەنىمدىلىگىن قامتاماسىز ەتۋدى جانە زاڭسىز كوشى-قونعا قارسى ءىس-قيمىلدى كۇشەيتۋدى تالاپ ەتەدى"، — دەدi قاسىموۆ.

مينيستردiڭ ايتۋىنشا، كوشى-قون زاڭىن بۇزعان 17 مىڭنان اسا شەتەلدىك قازاقستانعا بەس جىل بويى كىرە المايدى.

"بىلتىردان بەرى كوشi-قون زاڭناماسىن بۇزعان 141 مىڭ شەتەل ازاماتى اكiمشiلiك جاۋاپقا تارتىلدى. ولاردىڭ 17 مىڭنان استامى ەل اۋماعىنان شىعارىلدى. بۇل ازاماتتارعا 5 جىل بويى قازاقستانعا قايتا كiرۋگە تىيىم سالىندى. الداعى ۋاقىتتا جەرگىلىكتى اتقارۋشى ورگانداردىڭ قولداۋىمەن وڭىرلەردە ارنايى كوشى-قون قىزمەتىن كورسەتۋ ورتالىقتارىن قۇرۋ جوسپارلانعان. مۇنداي پيلوتتىق جوبا استانادا دا ىسكە اسادى"، — دەدi ول.