استانا ماڭىنداعى پريگورودنىي كەنتىندە سۋعا باتىپ كەتكەن ءتورت بالانىڭ دەنەسى تابىلدى. بۇل تۋرالى ق ر ءىىم تجك رەسمي وكىلى رۋسلان يمانقۇلوۆ مالىمدەدى. 

24 ماۋسىمدا پريگورودنىي كەنتىندە، نۇرا-ەسىل كانالى ماڭىندا ءۇش بالا جوعالىپ كەتتى دەگەن اقپارات تۇسكەن. وقيعا ورنىنا دەرەۋ ورتالىق وڭىرلىك اەروموبيلدى جەدەل قۇتقارۋ جاساعىنىڭ قىزمەتكەرلەرى اتتاندى. 

يمانقۇلوۆ مالىمدەگەندەي، العاشىندا ءۇش بالا تۋرالى اقپارات تۇسكەن، كەيىن ىزدەۋ بارىسىندا تاعى ءبىر ءبۇلدىرشىننىڭ سۋعا كەتكەنى انىقتالدى. 

"ىزدەۋ جۇمىستارى بۇگىن اياقتالدى. تاڭعى ساعات 05:17-دە نۇرا-ەسىل كانالىنان 2007، 2006، 2007 جانە 2009 جىلعى بالالاردىڭ دەنەسى تابىلىپ، سۋدان شىعارىلدى. بالالار رۇقسات ەتىلمەگەن جەردە شومىلىپ ءجۇرىپ، سۋعا كەتكەن"، — دەلىنگەن حابارلامادا. 

تج كوميتەتى اتا-انالارعا جاز مەزگىلىندە بالالارعا اباي بولۋدى، قاراۋسىز قالدىرماۋدى تاعى ءبىر مارتە ەسكەرتەدى.