21 ناۋرىز كۇنى قوستانايلىق اسەت پەن انار سۇندەتبايەۆتاردى ەلباسى ۇيلەنۋ تويىمەن قۇتتىقتادى. نازاربايەۆتىڭ قۇتتىقتاۋ حاتىن وبلىس اكىمى نۇرالى ءسادۋاقاسوۆ جەتكىزدى.

اسەت پرەزيدەنتتى تويىنا شاقىرعان بولاتىن.

"مەن نۇرسۇلتان نازاربايەۆتى قۇرمەت تۇتامىن. ول مەنىڭ كۋميرىم. مەن ول كىسىگە جاي عانا حات جازىپ، تويما شاقىرۋ قاعازىن پوشتا ارقىلى جىبەرگەن ەدىم. حاتىما جاۋاپ كەلگەندە تاڭقالدىم. قۋانىشتان، توبەم كوككە ءبىر ەلى جەتپەي قالدى. ونى ايتىپ جەتكىزە المايمىن"، - دەيدى اسەت.

ناۋرىز قارساڭىندا وتاۋ قۇرۋدى اسەت پەن انار بۇرىننان ويلاستىرعان  ەكەن. جاستار رۋدنەن ينستيتۋتىندا وقىپ جۇرگەندە تانىسقان. ءقازىر ولار ماگنيتوگور مەتاللۋرگيا ينستيتۋتىنىڭ ماگيستراتۋراسىندا ءبىلىم الىپ جاتىر. ولاردىڭ جاسى 24-تە. اسەت مەتاللۋرگ ماماندىعىن تاڭداعان.

پرەزيدەنتتىڭ قۇتتىقتاۋ حاتىن جەتكىزگەن وبلىس باسشىسى ونى جاستارعا وقىپ بەردى.

"مەملەكەت باسشىسىنىڭ تاپسىرماسى بويىنشا سىزدەردى زاڭدى نەكەلەرىڭىزبەن قۇتتىقتاۋعا رۇقسات ەتىڭىزدەر. ەل پرەزيدەنتى نۇرسۇلتان نازاربايەۆتىڭ اتىنان، وبلىس باسشىسى ءوزىمنىڭ اتىمنان قۇتتىقتاۋدى قابىل الىڭىزدار. سىزدەرگە، ماحاببات، تاتۋلىق، وتباسىڭىزدىڭ بەرىكتىگىن، اماندىعىن تىلەيمىز"، - دەدى قوستاناي وبلىسىنىڭ اكىمى نۇرالى ءسادۋاقاسوۆ.

سونداي-اق اكىم جاس وتباسىعا سىيلىق رەتىندە تەلەديدار تابىس ەتتى.