«قازاق ارۋى-2015» بايقاۋىنىڭ جەڭىمپازى – كامشات قوسكەلوۆا. ول ءقازىر ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى ەكونوميكا فاكۋلتەتىنىڭ 4 كۋرس ستۋدەنتى.
«قازاق ارۋى» كەز كەلگەن بويجەتكەن ءۇشىن ۇلكەن مەكتەپ. جەڭىسكە جەتكەنى، جەتپەگەنى بار، ول ماڭىزدى ەمەس. ءار قىز ءوزىن ساحنادا، حالىقتىڭ الدىندا قالاي ۇستاۋى كەرەك، ءجۇرىس-تۇرىس، سويلەۋ مانەرى، تاعى باسقا دا قىز بالاعا قاجەتتى دۇنيەلەردى ۇيرەنەدى».
https://www.youtube.com/watch؟v=82Y-75J0Dp8«العاشقىدا كاستينگكە كەلگەندە «وتەمىن، وتپەيمىن»، دەگەن وي بولعان جوق. تەك باعىمدى سىناپ كورمەك بولدىم. «قولىمنان نە كەلەدى، بۇل نارسەنى ىستەي الامىن با»، وسى تۋرالى سول جەردە وتىرعان قازىلار القاسىنىڭ پىكىرىن بىلگىم كەلدى. كاستينگتەن باعىم بولار، ءوتىپ كەتتىم. سوسىن ماعان بەرىلگەن مۇمكىندىك شىعار دەپ، دايىندىققا ۇلكەن جىگەرمەن كىرىستىم»،-دەيدى كامشات.
«بايقاۋدا ەڭ باستىسى – قازاقى تاربيە بولۋى كەرەك. ءوزىم اۋىلدا، اجەمنىڭ قولىندا ءوستىم. سول سەبەپتى، بۇل جاعىنان قورىققان جوقپىن. باستى قارۋىم بار دەپ ەسەپتەيمىن. ال، بي، ءجۇرىپ تۇرۋ، ءوزىن ۇستاي ءبىلۋ دەگەندەردى سول جەردە ۇيرەتەدى. قازاق ءتىلىن، قازاقتىڭ سالتىن، ءداستۇرىن، تاريحىن ءبىلۋ – بۇل بۇرىننان ءبىلىپ كەلە جاتقان ادەتتەگى نارسەلەر».
