استانا قالاسىندا «زەردەلى» اقىل-وي دامىتۋ ورتالىعى شەتەلدەن كەلگەن قانداستاردىڭ بالالارىن كەشەندى تەستىلەۋگە جانە مەكتەپكە دايىنداۋدى قولعا الدى. زەردەلى اقىل-وي دامىتۋ ورتالىعى 2014 جىلى قىركۇيەك ايىنان بەرى جۇمىس جاساپ كەلەدى. ورتالىقتىڭ باستى ەرەكشەلىگىمۇعالىمدەر ساپاسىنىڭ بىلىكتىلىگى. وندا ءۇش عىلىم دوكتورى، وننان استام عىلىم ماگيسترلارى جۇمىس اتقارادى ەكەن. تەك استانا قالاسىنىڭ جوعارى ساناتتى تاڭداۋلى مۇعالىمدەرىنەن قالىپتاسقان ۇزدىك قوسىن ەكەن. ەكىنشى ەرەكشەلىگى، ۇستازدار ۇزاق جىل وليمپيادالار مەن ۇبت – دا جيناقتاعان تاجىريبەلەرىنەن پايدالانىپ، كوپتەگەن قازاق ءتىلدى وقۋ قۇرالدارىن دايىنداپتى. ءۇشىنشى ەرەكشەلىگى، «زەردەلى» اقىل-وي دامىتۋ ورتالىعىنىڭ الداعى جوسپارى تەك بيزنەس جوسپار ەمەس، قايتا بولاشاق ىرگەلى وقۋ ورنىنا اينالۋ باعدارى نىق، بولاشاعى زور ەكەنى ۇستانعان باعىتى مەن جاساعان جوسپارنان ايقىندالىپ تۇر. الداعى ءساۋىر اينىنان باستاپ ورتالىق وسى باعىتتاعى نەگىزگى جۇماستارىنىڭ ءبىر باعىتىن شەتەلدەن كەلگەن قانداستارعا ارناماق. ورتالىقتىڭ ديرەكتورى استانا قالاسى دارىندى بالالارعا رانالعان «زەردە» مەكتەبىنىڭ ماتەماتيكا ءمۇعالىمى، ماتەماتيكا عىلىمدارىنىڭ ماگيستىرى، وليمپيادالارعا ارنالعان ماتەريالداردىڭ اۆتورى، ق ر ءبىلىم ءمينيستىرىنىڭ ەكى مارتە قۇرمەت گراموتاسىنىڭ يەگەرى ءماۋىت ىرىسبەك باستاما تۋرالى ويىن بىلاي ءبىلدىردى: - وزىمىزدە شەتتەن كەلگەندە ەڭ قاتتى قينالعانىمىز جازۋ ماسەلەسى مەن ءتىل ماسەلەسى بولدى، بىردەن ۇيرەنىپ كەتۋ وتە قيىنعا سوقتى. ال، قازىردە كەلىپ جاتقان اعايىنعا بۇل وتە اۋرىتپاشىلىق اكەلۋدە. كەزىندە ارنايى بەيىمدەۋ ورتالىقتارى جۇمىس ىستەگەنىن بىلەمىز، ءبىراق ولاردىڭ باعىتى ءبىلىم بەرۋگە باعىتتالماعان، ۇلكەن ادامدارعا باعىتتالعان بولاتىن. ءقازىر شەتتەن كەلىپ وسىندا بالاسىن وقىتىپ جاتقان قانداستارىمىزدىڭ مەكتەپتە بالالارىنىڭ قاتتى قينالىپ جۇرگەنى تۋرالى كوپ ەستيمىز، ءوزىمىز ىستەيتىن مەكتەپتەردەن دە كورىپ تە ءجۇرمىز. ونىڭ ۇستىنە، دايىندىق كۋرسىنا ۇلگەرە الماي قالعان وقۋشىلاردا كەشەندى تەستكە قاتىسىپ ب ا ق سىناعىسى كەلەدى، ءبىراق، ارنايى باعدارلاما مەن دايىندالماعان سوڭ وقۋعا تۇسە الماي جاتقانىن كورىپ ءجۇرمىز. ورتالىقتا وسى باعىتتى قولعا الىپ، شەتتەن كەلگەن قانداستاردىڭ بالالارىن مەكتەپكە جانە كەشەندى تەستىلەۋگە دايىنداۋدى ارنايى باعدارلاماسىن دايىندادىق. بىزدەگى مۇعالىمدەردىڭ ءبىرسىپراسى قىتايدان، مونعۇليادان كەلگەن، وزدەرى سول ەلدىڭ تىلدەرىن، وقۋ-اعارتۋىنىڭ جۇيەسىن بىلەتىندىكتەن ول قاتتى قيانعا تۇسپەدى. ەندى سول باعدارلاماعا ساي وسى باعىتتا ۇزدىكسىز جۇمىس ىستەمەكپىز، – دەيدى. ءيا، ءقازاىر شەتەلدەگى قانداستاردىڭ ەلگە كەلۋدەگى ەڭ الاڭدايتىن ءبىر ءىسى بالالارىنىڭ وقۋ ۇلگەرىمى مەن بولاشاعى ەكەنى حاق. سەبەبى، وزگە ەلدە وزگە تىلدە وقىعان، كرەليسانى مۇلدە تانىمايتىن وقۋ جاسىنداعى بالالاردىڭ بىردەن جاقسى وقىپ كەتۋى، ءتىپتى، وقۋعا تولىق ىلەسىپ كەتۋى قيىن. وسى باعىتتا ارنايى جۇمىس ىستەۋدى باستاعان ورتالىق جۇمىسىنا ساتتىلىك تىلەيمىز.

ورتالىق مەكەن-جايى: استانا قالاسى، قابانباي باتىر 40 «ينفينيتي-1» ءتۇرعىن ءۇي كەشەنى قوسىمشا اقپاراتتى ورتالىقتىڭ zerdeli.kz سايتىنان الا الاسىزدار.

ءقازبىلىم پورتالى اياتجان احمەتجان

kazbilim.kz