“قازاقستاننىڭ ەڭ ۇزدىك ءارتىسى” نوميناسياسىنا ۇسىنىلاتىن بەستىكتىڭ ەسىمدەرى بەلگىلى بولدى دەپ حابارلادى “مۋز-تۆ” تەلەارناسىنىڭ باس ديرەكتورى ارمان داۋلەتياروۆ.

“مۋز-تۆ 2015. گراۆيتاسيا” سىيلىعىن تابىستاۋ راسىمىندە ارنايى قازاقستاندىقتارعا ارنالعان نوميناسيا قوسىلعاندىعىن بىلەسىزدەر. وعان كىمدەر ۇسىنىلاتىندىعى تۋرالى ساراپشىلاردىڭ ءبىر ايعا سوزىلعان تالقىلاۋى دا اياعىنا جەتتى. قازاقستاننىڭ مۋزىكا يندۋسترياسىندا بۇرىننان جۇمىس ىستەپ كەلە جاتقان شوۋ-بيزنەس وكىلدەرى، مۋزىكالىق ارنالار مەن راديوستانسيالاردىڭ باسشىلارى، مۋزىكانتتار مەن ءان وڭدەۋشىلەردەن قۇرالعان ساراپشىلار ءبىز ۇسىنعان قازاقستاندىق جۇلدىزدار تىزىمىنەن وزدەرىنىڭ بەستىگىن تاڭدادى. “قازاقستاننىڭ ەڭ ۇزدىك ءارتىسى” نوميناسياسىنا جانار دۇعالوۆا، قايرات نۇرتاس، نۇرلان ابدۋللين، مۋزارت جانە ءالي وقاپوۆ ۇسىنىلىپ وتىر، – دەدى “مۋز-تۆ” تەلەارناسىنىڭ باس ديرەكتورى.

ونىڭ ايتۋىنشا، “قازاقستاننىڭ مۋزىكالىق يندۋسترياسىن دامىتقانى ءۇشىن” دەگەن دە ارنايى سىيلىق نوميناسيا قوسىلىپ وتىر.