اسا ءىرى كولەمدە پارا الدى دەگەن مادەنيەت مينيسترلىگىنىڭ قىزمەتكەرى ءۇيقاماققا الىندى دەپ جازادى Qamshy.kz اقپارات اگەنتتىگى كتك تەلەارناسىنىڭ دەرەگىنە سۇيەنىپ.
وسىعان دەيىن مادەنيەت جانە سپورت مينيسترلىگىنىڭ بىرنەشە لاۋازىمدى قىزمەتكەرى پارا الدى دەگەن كۇدىكپەن ۇستالعان بولاتىن. ولاردىڭ اراسىندا مينيسترلىكتىڭ اكىمشىلىك دەپارتامەنتىنىڭ ديرەكتورى ەرەناي دارجىبايەۆ قانا ءۇيقاماققا الىنعان. الايدا 46 جاستاعى شەنەۋنىكتىڭ پارانى كىمنەن، نە ءۇشىن جانە قانشا كولەمدە العانى ازىرشە جاريالانباي وتىر.
♦ مادەنيەت جانە سپورت مينيسترلىگى: تەرگەۋ ءىسى بىتپەي مينيسترلىكتىڭ قىزمەتكەرىن ايىپتاي المايمىز
ءبىر انىعى، ەرەناي دارجىبايەۆ پارانى استاناداعى قىمبات مەيرامحانالاردىڭ بىرىندە العان. كەيبىر دەرەك كوزدەرىنىڭ حابارلاۋىنشا، اۋىزباستىرىقتىڭ كولەمى 14 ميلليون تەڭگە. الايدا، جەمقورلىققا قارسى ۇلتتىق بيۋرو بۇل مالىمەتتى راستاعان دا، تەرىسكە شىعارعان دا جوق. ال باستى كۇدىكتى دارجىبايەۆ مادەنيەت جانە سپورت مينيسترلىگىندە اكىمشىلىك دەپارتامەنتىن باسقارىپ قانا قويماي ەتيكا جونىندەگى ۋاكىل قىزمەتىن دە قوسا اتقارعان. ياعني ۆەدومستۆو قىزمەتكەرلەرىنىڭ جەمقورلىققا جولاماۋىن قاداعالاپتى. ەندى ءوزى شاتىلىپ جاتقان لاۋازىمدى شەنەۋنىك 24 جەلتوقسانعا دەيىن ءۇيقاماقتا وتىرادى.
