اقش-تىڭ ساۋدا مينيسترلىگى قۇرامىنا ەلشىلىك كورپۋستارىنىڭ، مۇناي-گاز سالاسىنداعى امەريكاندىق جەتەكشى كومپانيالاردىڭ، كونسالتينگتىك قىزمەت، قۇرىلىس جانە باسقا سالالار وكىلدەرى ەنگەن ساۋدا ميسسياسىمەن الماتىدا بولدى.

ميسسيا وكىلدەرىن قارسى العان مەگاپوليس اكىمى باۋىرجان بايبەك الماتىنىڭ بيزنەس پەن جەكە كاپيتال قالاسى ەكەنىن، مۇندا ءىرى حالىقارالىق ۇيىمدار مەن 60-تان استام ترانسۇلتتىق كومپانيالاردىڭ، ەلىمىز بانكتەرى مەن ساقتاندىرۋ كومپانيالارىنىڭ باس وفيستەرىنىڭ 90%-نىڭ، 29 كونسۋلدىق پەن ساۋدا وكىلدىكتەرىنىڭ ورنالاسقانىن ايتتى. وسىدان ەكى كۇن بۇرىن عانا بۇۇ-نىڭ ءۇيى اشىلدى. حالىقارالىق مەكتەپتەر مەن ۋنيۆەرسيتەتتەر جەمىستى جۇمىس ىستەۋدە، زاماناۋي مەديسينالىق كلاستەر قۇرىلۋدا. بۇگىنگى كۇنى الماتى الەمدىك ەكونوميكانىڭ 70% قۇرايتىن 600 مەگاپوليستىڭ قاتارىندا.

«پرەزيدەنتىمىز نۇرسۇلتان نازاربايەۆتىڭ ساليقالى ساياساتىنىڭ ارقاسىندا الماتىدا تۇراقتى ءارى جەدەل قارقىندى دامىعان ەكونوميكا قالىپتاستى. ءبىزدىڭ قالامىز ينۆەستيسيا ءۇشىن تارتىمدى. 10 جىل ىشىندە الماتىنىڭ تەك ءونىمدى وڭدەۋ وندىرىسىنە 3،3 ملرد. دوللار شەتەلدىك ينۆەستيسيا تارتىلدى. قىركۇيەك ايىندا جاپوندىق، رەسەيلىك، يتالياندىق جانە قىتايلىق ينۆەستيسيامەن ءتورت جوعارى تەحنولوگيالى زاۋىتتار ىسكە قوسىلدى. قالادا ءتۇرى سالالاردا امەريكاندىق كاپيتالمەن 168 كومپانيا جۇمىس ىستەيدى، تاۋار اينالىمى دا جوعارى، الايدا ەكىجاقتى بايلانىستىڭ مۇمكىندىگى ءالى دە تولىق پايدانىلماي كەلەدى. مۇنداي القالى دەلەگاسيانىڭ الماتىعا كەلۋى العاش رەت، سوندىقتان ءبىز امەريكاندىق كومپانيالارعا تولىق قولداۋ كورسەتەمىز»، - دەدى باۋىرجان بايبەك.

ءوز كەزەگىندە الماتىداعى اقش-تىڭ باس كونسۋلى ەريك مايەر الماتى استانامەن بىرگە ەلدىڭ عانا ەمەس، سونىمەن قاتار بارشا ورتا ازيا ءوڭىرىنىڭ كاسىپكەرلىك جانە يننوۆاسيالىق حابى ەكەنىن اتاپ ءوتتى.

«ءبىز پرەزيدەنت نۇرسۇلتان نازاربايەۆتىڭ ءتۇرلى جانە يننوۆاسيالى ەكونوميكانى وركەندەتۋ جولىنداعى ساياساتىن قولدايمىز. بۇكىلالەمدىك بانكتىڭ «بيزنەستى جۇرگىزۋ» ەسەبى بويىنشا بيىلعى جىلى 36-شى ورىنعا كوتەرىلگەن قازاقستان بيزنەس- احۋالدى جاقسارتۋدا. الماتى جانە استانا وسى باستامالاردىڭ اۆانگاردى بولۋدا. بۇل قازاقستان ءۇشىن عانا ەمەس، سونىمەن قاتار ورتا ازيانىڭ بارلىق وڭىرلەرى ءۇشىن بيزنەس پەن يننوۆاسيا ورتالىعى»، - دەپ اتاپ ءوتتى ەريك مايەر.

شارا بارىسىندا امەريكاندىق كومپانيالار وكىلدەرى الماتىنىڭ ينۆەستيسيالىق مۇمكىندىكتەرىمەن تانىستى جانە جەرگىلىكتى ىسكەرلىك ورتا وكىلدەرىمەن ءبىرقاتار كەزدەسۋلەر وتكىزدى.