سيريا وپپوزيسياسى وكىلدەرى قازاقستان پرەزيدەنتى نۇرسۇلتان ءابىشۇلىنا حات جولداعان. بۇل تۋرالى ريانوۆوستي حابارلايدى. سيريا  وپپوزيسياسىنىڭ ءبىر توپ وكىلى قازاقستان پرەزيدەنتىنەن سيرياداعى داعدارىستاردى رەتتەۋگە قاتىستى كەلىسسوزدەرگە ارالاسۋىن سۇراپ حات جولداعان. اتالمىش حاتقا سيرياداعى 7 بىردەي وپپوزيسيالىق ۇيىم ليدەرلەرى قول قويعان. حات ماتىنىندە، وپپوزيسيونەرلەر سيرياداعى ساياسي احۋالداردى رەتتەۋدە، داعدارىسپەن كۇرەسۋدە تاباندىلىق تانىتا وتىرىپ، كۇش سالعان  رەسەي بيلىگىنە ريزاشىلىقتارىن بىلدىرەتىندىكتەرىن ايتقان. "الايدا، ءبىز ەلدەگى جاعدايدى تۇراقتاندىرۋ، گەوساياسي رەفورمالاردى رەتتەۋ، حالىقتىڭ ءال-اۋقاتىن ارتتىرۋ، سترۋكتۋرالىق پلاتفورما قۇرۋ ءۇشىن كەلىسسوزدەردى ءارى قاراي جالعاستىرۋدى ءجون دەپ ەسەپتەيمىز. سوندىقتان ءبىز، ءسىزدىڭ كورەگەن ساياساتىڭىزبەن، كومەگىڭىزگە جۇگىنىپ وتىرمىز جانە ءسىز ءبىزدىڭ وسى ۇسىنىسىمىزدى جەرگە تاستاماي، ماسكەۋ كەلىسسوزدەرىنىڭ جالعاستىرۋ ماقساتىندا ءبىزدى قازاقستانعا شاقىرادى دەپ ۇمىتتەنەمىز"، دەلىنگەن حاتتا. حات يەلەرىنىڭ ايتۋىنشا، قازاقستان سيريا حالقىنا بەيبىتشىلىك اكەلۋدە جانە بيلىك پەن وپپوزيسيا اراسىندا ديالوگ ورناتۋعا ۇلكەن ىقپال ەتەرلىك، حالىقارالىق ساياساتتا زور بەدەلگە يە مەملەكەت. "قۇرمەتتى پرەزيدەنت مىرزا، ءسىز ءبىزدىڭ ءوتىنىشىمىزدى جەرگە تاستاماي، وڭ كوزقاراس تانىتادى دەپ سەنەمىز"،-دەلىنگەن حاتتا. نۇرزات توعجان