زاراتۋشرا قازىرگى ورال وڭىرىندە دۇنيەگە كەلگەن. ال يسا پايعامبار (ا.س.) قازاق ۇرپاقتارىنىڭ وكىلى بولعان. بۇل تۋرالى قازاقستاندىق ماتەماتيك قايرات زاكيريانوۆ مالىمدەدى دەپ حابارلايدى Qamshy.kz اقپارات اگەنتتىگى EADaily سايتىنىڭ دەرەگىن نەگىزگە الىپ.  ونىڭ ايتۋىنشا ونىڭ بۇل تۇجىرىمداماسىن ەشقانداي تاريحشى جوققا شىعارماعان.

«ءبىزدىڭ ەلدەگى ەڭ كونە ءدىني سەنىم تاڭىرشىلدىك دەپ اتالسا، پەرسيا ەلىندە بايىرعى ميفولوگيانى ەسكەرە وتىرىپ زارواستريزم دەپ اتادى. ۇلىبريتانياداعى عىلىمي اتاق-داڭقى بار مەري بويس ءوزىنىڭ ەڭبەكتەرىندە «ءزورواستريزمنىڭ شىعۋ تەگىن ۆولگانىڭ شىعىسىنداعى قازاق جەرىنەن ىزدەۋ كەرەك»، دەپ جازعان"، دەيدى ماتەماتيك. 

ول زاراستۋسترا (قازاقشا جاراتۋشى) تاڭىرشىلدىكتىڭ نەگىزى قازىرگى ورال وڭىرىندە ەكەنىنە سەنىمدى.

"سونداي-اق حريستيان ءدىنىن دە الىپ قاراستىرۋعا بولادى. مەن ييسۋس حريستوستىڭ ەشقاشان ەۆرەي بولماعان. مەن مۇنى ۇنەمى ايتىپ جۇرەمىن. سونداي-اق حريستيان ءدىنىن ەۆرەيلەر دە، سلاۆيان قاۋىمى دا ويلاپ تاپقان جوق. رەسەيدىڭ كراسدارسك اۋماعىنان VII عاسىرداعى زەلەنچۋك جازباسى تابىلعان. اتالمىش جازبادا تۇرىك-رۋنا جازۋىمەن يسۋس حريستوس تۋرالى جازعان. سونداي اق جازبا ارقىلى يسا پايعامباردىڭ البان، بوتپاي، دۋلات نەمەسە سۋان رۋلارىنىڭ بىرىنەن تاراعان ۇرپاق ەكەنىن بايقاۋعا بولادى. رەسەيلىك پۋبليسيست مۇرات ادجي يسا(ا.س.) جاستىق شاعىن ءبىزدىڭ زامانىمىزعا دەيىنگى العاشقى 1000 جىلدىقتا التاي ايماعىندا وتكىزگەنىن جازعان. سول جىلدارى قازاقتىڭ قازىرگى دۋلات، بوتپاي، سۋان جانە البان رۋلارى سول جاقتان قونىس اۋدارعان شىعار"، — دەيدى قايرات زاكيريانوۆ.

وسىدان ءبىراز ۋاقىت بۇرىن قازاقتىڭ باسقا عالىمى، فيلوسوفيا عىلىمدارىنىڭ دوكتورى باعدات بەيسەنوۆ ادام اتا (ا.س.) مەن حاۋا انا دا قازاق بولعان دەگەن مالىمدەمە جاساعان بولاتىن. عالىم قازاقستان المانىڭ وتانى ەكەنىن تىلگە تيەك ەتە كەلە ، «الما» ءسوزى ماعىناسىن «الما، ۇستاما»، دەگەن ماعىنانى بىلدىرسە، «ادام» دەگەن ءسوز «ادامزات» دەگەن ماعىنا سايكەس كەلەدى دەپ تۇجىرىمدادى.

اۋدارعان: اسەل بولات قىزى