اگرارلىق سالادا اۋقىمدى داعدارىس باستالۋدا. ۇكىمەت مەملەكەتتىك باعدارلامالارى بويىنشا موينىنا العان مىندەتتەرىنىڭ بىرەۋىن دە تولىق ورىنداماي وتىر!
ءبىرىنشى تاۋىق ەتىن ءوندىرۋ سالاسىنىڭ سۋبسيديالارى تولەنبەدى. بۇل ءبىز تاۋىق ەتىن تۇتىنۋ مولشەرىنىڭ 47% يمپورتتاۋىنا قاراماستان!
ءقازىر ءىرى قارا مال سالاسىنىڭ سۋبسيديالاۋ پروبلەماسى.
وسىمدىك سالاسىنداعى سۋبسيديالاۋ ساياساتى دا كوپ سۇراق تۋعىزادى.
بالىق سالاسىندا سۋبسيديا مۇلدەم جوق!
"وسى اۋىل شارۋاشىلىعىنا سۋبسيديا نە كەرەك؟" دەگەن سۇراققا جاۋاپقا مىنانداي ايتارىم بار. سۋبسيديا ماسەلەسى ول ءبىزدىڭ اۋىل شارۋاشىلىعىنداعى كاسىپورىنداردىڭ تيىمسىزدىگىندە ەمەس، ماسەلە باسقا مەملەكەتتەردىڭ ءوز وندىرۋشىلەرىنە تولەيتىن سۋبسيديا مولشەرىندە. ول مەملەكەت ارالىق سۋبسيديالار سوعىسى. رەسەي مەن بەلارۋس مەملەكەتتەرى ءوز وندىرۋشىلەرىنە بىزدىكىنەن 2-4 ەسە كوپ سۋبسيديا تولەسە ءبىزدىڭ وندىرۋشىلەر ولارعا قارسى قالاي باسەكە بولماق؟
ەگەر ءبىزدىڭ مەملەكەت سۋبسيديا تولەگىسى كەلمەسە وندا ول رەسەي مەن بەلارۋس ۇكىمەتتەرىمەن سۋبسيديالاردى مۇلدەم الىپ تاستاۋعا كەلىسسىن، نەمەسە كەدەندىك وداقتاستىقتان شىعىپ كەدەن سالىعىن ەڭگىزىپ ءبىزدىڭ نارىقتى قورعاۋ كەرەك.
وسى شارالاردى ىستەمەسە وندا ءبىزدىڭ نارىقتى يمپورت جاۋلاپ الىپ، ءبىزدىڭ ىشكى ءوندىرىسىمىز ءولىپ، ازىق-تۇلىك تاۋەلسىزدىگىمىزدى جوعالتىپ، نەگاتيۆتىك ساۋدا بالانسى پايدا بولىپ، ديەۆالۆاسيا جانە باسقا دا ەكونوميكالىق داعدارىسىنىڭ سالدارى پايدا بولادى.
ودان كەيىن تاۋەلسىزدىگىمىزدى جوعالتۋعا ءبىر - اق ادىم قالادى.
مارعۇلان سەيسەمبايدىڭ Facebook پاراقشاسىنان الىندى
ۇسىنعان: نازەركە لابيحان
پىكىر قالدىرۋ