بىرەر كۇن كولەمىندە الەۋمەتتىك جەلىدەگى ءتۇرلى توپتاردا الماتى قالاسىنداعى بالاباقشالاردىڭ بىرىندە كامەراعا ءتۇسىپ قالعان ۆيدەوماتەريال جاريالاندى. ۆيدەودا تاربيەشىنىڭ ەكى بالانى قورقىتىپ، ارتىنشا قولىنا تۇسكەن نارسەمەن ۇرىپ جاتقانى انىق كورىنەدى دەپ حابارلايدى Qamshy.kz اقپارات اگەنتتىگى.
بەينەباقىلاۋدى قاراپ وتىرعان اتا-انالاردىڭ شوشىعان داۋىسى ۆيدەودا جازىلعان. ولار ءوز بالالارىنىڭ وسىنشا قورلىق كورىپ جۇرگەندەرىنە قاتى نارازى.
"كەشىرىڭىزشى! ءبىر اشۋىڭىزدى بەرىڭىزشى! مەن ءوز-وزىمدى ۇستاي الماي قالدىم"، - دەپ جىلاپ كەشىرىم سۇراۋدا تاربيەشى.
ال كادردا تاربيەشىنىڭ جاتقان بالانى ورىنىنان تۇرعىزىپ، ونى اياق كيىممەن ۇرىپ جاتقانى، كەلەسى بولمەگە قاراي سۇيرەي جونەلگەنى تايعا تاڭبا باسقانداي كورىنىپ تۇر.
سونداي-اق، ۆيدەودا بالالاردىڭ تاربيەشىدەن قورقاتىنى، ول كەلە جاتقاندا تىپ-تىنىش جاتاتىندارى بايقالادى.
ال ق ر ءىىد باسپا ءسوز قىزمەتى قازىرگى ۋاقىتتا ۆيدەونىڭ تەكسەرىلىپ جاتقانىن، شەشىمدى پىكىردى ۆيدەو تەكسەرىلىپ بىتكەن سوڭ ايتاتىندارىن جەتكىزدى.
پوسموترەت ەتۋ پۋبليكاسيۋ ۆ Instagram
ۇسىنعان: ادىلەت مادەنيەت
پىكىر قالدىرۋ