ق ر مادەنيەت جانە سپورت ءمينيسترىنىڭ بۇيرىعىمەن عالىمجان سارسەنباي ۇلى مەلدەشوۆ ق ر مادەنيەت جانە سپورت مينيسترلىگىنىڭ ءتىل ساياساتى كوميتەتىنىڭ ءتوراعاسى بولىپ تاعايىندالدى. بۇل تۋرالى Qamshy.kz اقپارات اگەنتتىگى ق ر پرەمەر-مينيسترىنىڭ باسپا ءسوز قىزمەتىنىڭ دەرەگىن نەگىزگە الىپ حابارلايدى. 

ع. مەلدەشوۆ 1964 جىلى الماتى قالاسىندا دۇنيەگە كەلگەن. س. م. كيروۆ اتىنداعى قازاق مەملەكەتتىك ۋنيۆەرسيتەتىن ءتامامداعان. ءتۇرلى جىلدارى بۇقارالىق اقپارات قۇرالدارىندا جۇمىس ىستەگەن: «تۇركىستان» حالىقارالىق گازەتىندە، «قازاقستان» رترك» اق، «ماڭعىستاۋ مەديا» جشس-دە باسشىلىق قىزمەتتەردى اتقارعان.

2016–2018 جىلدارى تىلدەردى دامىتۋ جانە قوعامدىق-ساياسي جۇمىس كوميتەتى ءتوراعاسىنىڭ ورىنباسارى لاۋازىمىن اتقارعان. 2018 جىلعى تامىز ايىنان باستاپ قازىرگى تاڭعا دەيىن ق ر مسم ءتىل ساياساتى كوميتەتى ءتوراعاسىنىڭ ورىنباسارى بولىپ جۇمىس ىستەگەن.

ۇسىنعان: اسەل بولات قىزى