باس پروكۋراتۋرانىڭ ورىنباسارى زاڭسىز ميتينگىگە قاتىستى ۇندەۋ جاريالادى دەپ جازادى Qamshy.kz اقپارات اگەنتتىگى ق ر باس پروكۋراتۋراسىنىڭ رەسمي سايتىنا سىلتەمە جاساي وتىرىپ.
"الەۋمەتتىك جەلىلەر مەن مەسسەندجەرلەردە ا.ج. 9 مامىردا زاڭسىز ميتينگكە قاتىسۋعا ۇگىتتەۋدە. باس پروكۋراتۋرا بۇدان بۇرىن وسىنداي زاڭسىز جاريالى اكسيالار ۇيىمداستىرعانى جانە قاتىسقانى ءۇشىن جاۋاپتىلىقتى ەسكەرتكەن بولاتىن.
الايدا ا.ج. 1 مامىردا كەيبىر ازاماتتار ۋاكىلەتتى مەملەكەتتىك ورگاندار قىزمەتكەرلەرى اكىمشىلىك جاۋاپتىلىققا تارتىلاتىنىن تۇسىندىرگەنىن ەلەمەي، زاڭسىز ميتينگىلەرگە شىعىپ، اكىمشىلىك جاۋاپتىلىققا تارتىلدى.
ولاردىڭ قۇقىقتىق تارتىپكە قايشى ىس-ارەكەتتەرىنەن ازاماتتاردىڭ دەمالۋىنا جانە تىنىشتىعىنا ءقاۋىپ ءتوندى.
وسىعان بايلانىستى ميتينگىلەر ۇيىمداستىرۋدىڭ جانە وتكىزۋدىڭ زاڭدى ءتارتىبىن بۇزۋعا جول بەرىلمەيتىنىنە نازار اۋدارامىز.
قۇقىق بۇزۋشىلىققا كىنالىلەر زاڭ الدىندا قاتاڭ جاۋاپ بەرەتىن بولادى.
قوعامدىق قاۋىپسىزدىك پەن قۇقىقتىق ءتارتىپتى قامتاماسىز ەتۋ، سونداي-اق ازاماتتاردىڭ قۇقىقتارى مەن بوستاندىقتارىن قورعاۋ ماقساتىندا باس پروكۋراتۋرا ارانداتۋشىلىققا بەرىلمەۋگە جانە مەملەكەتتىڭ زاڭدارىن بۇزباۋعا شاقىرادى"، - دەلىنگەن حابارلامادا.
ۇسىنعان: اسەل بولات قىزى
پىكىر قالدىرۋ