شىمكەنتتە 270 ورىندى قالالىق بالالار اۋرۋحاناسى اشىلدى. ونىڭ جۇمىس بارىسىمەن العاشقى بولىپ مەملەكەتتىك حاتشى گۇلشارا ءابدىحالىقوۆا تانىستى. جاڭا مەديسينالىق مەكەمە كوپ سالالى بالالار اۋرۋحاناسى بولىپ سانالادى. بۇل تۋرالى «قامشى» پورتالى حابارلايدى. ەلباسى ساياساتى ارقاسىندا تەك سوڭعى ەكى-ۇش جىلدا ەلىمىزدىڭ تۇكپىر-تۇكپىرىندە كوپتەگەن ونەركاسىپتىك، الەۋمەتتىك نىساندار ىسكە قوسىلدى جانە كۇردەلى جوندەلدى. «100 مەكتەپ، 100 اۋرۋحانا» باعدارلاماسى شەڭبەرىندە وڭىردە بيىل دەنساۋلىق نىسانى دا  پايدالانۋعا بەرىلدى. الەۋمەتتىڭ الەۋەتىنە قىزمەت ەتەتىن مۇنداي نىسانداردى سالۋدا جانە دەر كەزىندە حالىقتىڭ سۇرانىسىنا جاۋاپ بەرە بىلۋدە ءوڭتۇستىق قازاقستان وبىسى كوش باسىندا. وسىنداي ءبىر ناسانداردىڭ ءبىرى – اساردا تۇرعىزىلعان جاڭا بالالار اۋرۋحاناسى. 27 كەرەۋەتتىك جاڭا اۋرۋحانا جەرگىلىكتى تۇرعىنداردىڭ يگىلىگىنە بەرىلگەن. مۇندا بالالارعا جوعارى بىلىكتى ماماندار قىزمەت كورسەتەدى. اۋرۋحانا عيماراتىنىڭ جالپى الاڭى — 24 مىڭ شارشى مەتر، ەكى كورپۋسى بار. «ا» كورپۋسىندا حيرۋرگيا بولىمشەسى مەن وپەراسيالىق بلوك ورنالاسقان. ال «ب» كورپۋسىندا باسقا قۇرىلىمدىق بولىمشەلەر جايعاسقان. قابىلداۋ بولمەسىندەگى جاراقات پۋنكتى، شۇعىل تراۆماتولوگيالىق شاعىن وپەراسيالىق بولمە، قارقىندى تەراپيالىق ەمدەۋ پالاتالارى قاجەتتى قۇرال-جابدىقتارمەن جابدىقتالعان. زاماناۋي ۇلگىدەگى 477 قۇرالعى بار. ونىڭ تەڭ جارتىسى — وتاندىق ءونىم. اۋرۋحانادا 15 جاسقا دەيىنگى 10 مىڭنان استام جەتكىنشەك ستاسيونارلىق ەم الا الادى.