ۇلت كوشباسشىسى نۇرسۇلتان ءابىش ۇلى نازاربايەۆتىڭ «نۋرلى جول» جولداۋى – بۇل تەك ەكونوميكالىق ساياسات قانا ەمەس، الەۋمەتتىك سالاعا جاسالعان قولداۋ. پرەزيدەنت قازاقستان حالقىنا جولداۋىندا: «ءبىلىم، دەنساۋلىق ساقتاۋ، اۋىل شارۋاشىلىعىن دامىتۋ باعدارلامالارىنىڭ جۇمىسى جالعاسىن تابادى» دەپ اتاپ وتكەن بولاتىن. بۇل ەل تۇرعىندارى، اسىرەسە، اۋىلدا تۇراتىن وتباسىلار ءۇشىن وتە ماڭىزدى. الەۋمەتتىك ينفراقۇرىلىم، ياعني مەديسينالىق مەكەمەلەر، مەكتەپتەر مەن مەكتەپكە دەيىنگى ۇيىمدار ودان ءارى دامي بەرەتىنى ءسوزسىز.
«2020 جىلعا قاراي قالالىق جانە اۋىلدىق جەرلەردەگى بالالاردىڭ ءبارى مەكتەپكە دەيىنگى وقىتۋ جانە تاربيەمەن قامتىلۋى كەرەك. بىزدە ول ءۇشىن بارلىق مۇمكىندىك بار، الەۋەتىمىز جوعارى، مەملەكەتتىك-جەكە مەنشىك ارىپتستىك – ءبارى بار»، - دەپ ەسكە سالدى نۇرسۇلتان ءابىش ۇلى.
وڭتۇستىك قازاقستاندا وتكەن جىلى «بالاپان» باعدارلاماسى اياسىندا مەكتەپكە دەيىنگى 160 ۇيىم اشىلعان. ناتيجەسىندە بۇلدىرشىندەردى قامتۋ كورسەتكىشى 67،2 پايىزدان 76،8 پايىزعا وسكەن. وڭىردە 115 ءبىلىم نىسانى سالىنپ، سونىڭ 41ء-ى ىسكە قوسىلعان.
اۋدان بيۋدجەتتەرى ەسەبىنەن قوسىمشا 13 عيمارات پايدالانۋعا بەرىلگەن. 135 نىسان كۇردەلى جوندەۋدەن وتكەن. دەنساۋلىق ساقتاۋ سالاسىندا 68 نىساننىڭ قۇرىلىسى جۇرگىزىلىپ، ونىڭ 64ء-ى ىسكە قوسىلعان. 32 ناۋقاسقا بۇيرەك الماستىرۋ وپەراسياسى جاسالىپ، ايماقتار اراسىندا العاش رەت باۋىر الماستىرۋ وتاسى ءساتتى وتكەن. جۇرگىزىلىپ جاتقان شارالاردىڭ ناتيجەسىندە جالپى ءولىم كورسەتكىشى 5،5-پايىزدان 5،1-پايىزعا تومەندەگەن.
دەرەككوز: وقو اكىمى اپپاراتىنىڭ باسپا ءسوز قىزمەتى
