ۇقق باسشىسى كارىم ءماسىموۆ اكەسى قاجىمقان ءماسىموۆ تۋرالى كىتاپ جازدى دەپ حابارلايدى Qamshy.kz اقپارات اگەنتتىگى ەكس-پرەمەردىڭ Instagram پاراقشاسىنا سىلتەمە جاساپ.
“اكەم تۋرالى كىتاپ جازدىم. اۋلەتىمىزدىڭ تاريحى مەن تولىق شەجىرەسى”، - دەپ جازدى ءماسىموۆ.
ۆيدەودا ۇقق باسشىسى جانۇياسىنىڭ تاريحىن ايتىپ، كىتاپ تۋرالى ءبىراز اقپاراتپەن ءبولىستى.
“ءوزىڭىز بىلەتىندەي، قازاق حالقى شىققان تەگىنە ۇلكەن نازار اۋدارادى. بۇل كىتاپ ءبىزدىڭ ۇرپاقتارعا اتا-بابالارى قانداي بولعانى تۋرالى ءتۇسىندىرىپ بەرەدى. سوندىقتان ول “تامىر” دەپ اتالادى. بۇرىن اكەمنىڭ سوزدەرىنە كوپ ءمان بەرمەگەم. ءبىراق ول ومىردەن وزعاننان كەيىن، اكەم تۋرالى كوپ ويلاندىم. وسىلاي كىتاپ شىعارۋ تۋرالى وي ءتۇستى”، - دەيدى ۇلتتىق قاۋىپسىزدىك كوميتەتىنىڭ ءتوراعاسى.
ەستەرىڭىزگە سالا كەتەيىك، 80 جاسقا قاراعان شاعىندا قوعام قايراتكەرى، قازاقستاننىڭ ۇلتتىق اگروونەركاسىپ پالاتاسىنىڭ باسشىسى قاجىمقان قاسىم ۇلى ءماسىموۆ 2019 جىلدىڭ 8ء-ساۋىر كۇنى قايتىس بولدى.
دايىنداعان: يلدار اديلچەنوۆ
پىكىر قالدىرۋ