اقتاۋ قالاسى حيميا-بيولوگيا باعىتىنداعى نازاربايەۆ زياتكەرلىك مەكتەبىنىڭ «مەيىرىم وسكىنى» قايىرىمدىلىق ەرىكتىلەر توبىنىڭ وقۋشىلارى «ورازانىڭ ءدامى» اتتى قايىرىمدىلىق اكسياسىن ۇيىمداستىردى. شارا اياسىندا جاس زياتكەرلەر ماڭعىستاۋداعى ءۇش وتباسىعا قامقورلىق كورسەتىپ، ازىق-تۇلىك جانە ءبىر قويدىڭ بولىگىن ۇسىندى.
ء-بىزدىڭ قايىرىمدىلىق توپ وسىعان دەيىن وتكىزگەن شارالاردان تۇسكەن قاراجات جينالعان ەدى. سول اقشاعا ءبىر قوي مەن ازىق-تۇلىك الدىق. قويدى ءۇش وتباسىعا ءبولىپ تاپسىردىق. بۇل ارقىلى ءبىز قايىرىمدىلىق جاساۋ ءۇشىن كوپ سومانىڭ قاجەت ەمەس ەكەندىگىن كورسەتكىمىز كەلدى، -دەيدى ءبىلىم ورداسىنىڭ بيىلعى جىلعى تۇلەگى جۇمابەك امان.
زياتكەرلىك مەكتەپ وقۋشىلارىنان قۇرالعان قايىرىمدىلىق توبى وسىعان دەيىن دە بىرنەشە شارالاردى ۇيىمداستىرىپ، از قامتىلعان وتباسىلارعا مۇمكىندىكتەرىنشە كومەكتەسىپ كەلەدى.
پىكىر قالدىرۋ