نۇر-سۇلتاندا ءورت شىققان ۇيدەن ءۇش بالانى امان الىپ قالعان ستۋدەنتتى ءبىلىم جانە عىلىم ءمينيسترى كۇلاش ءشامشيدينوۆا ماراپاتتادى دەپ حابارلايدى Qamshy.kz اقپارات اگەنتتىگى ق ر بعم باسپا ءسوز قىزمەتىنىڭ مالىمەتىنە سۇيەنىپ.
سول كۇنى نۇرسۇلتان دوستارىمەن استانالىق ساياباقتاردىڭ بىرىندە سەرۋەندەپ جۇرگەن. ادامداردىڭ شۋلاپ جاتقاندىعىن ەستىگەن بالالار، وقيعا ورىن العان جەرگە دوستارىمەن تەز جەتەدى. وقيعا ورنىنا جەتكەن كەزدە ءۇيدىڭ ەكىنشى قاباتىنان ەر ادامنىڭ كومەككە شاقىرىپ جاتقان داۋىسىن ەستيدى. نۇرسۇلتان ەشبىر كىدىرمەستەن تومەندە ورنالاسقان دۇكەننىڭ شاتىرى ارقىلى ءۇيدىڭ ەكىنشى قاباتىنا كوتەرىلىپ، ءۇيدىڭ تەرەزەسىن سىندىرىپ، ءۇش بالانى ورتكە ورانعان پاتەردەن الىپ شىققان. وقيعا ورنىنا جەتكەن ءورت سوندىرۋشىلەر پاتەردە قالعان تاعى ءبىر كىشكەنتاي بوبەك پەن اكەسىنىڭ ءومىرىن اراشالاپ قالدى.
"ءوز ءومىرىن تاۋەكەلگە تىگىپ، قيىندىققا تۇسكەن ادامعا كومەك قولىن سوزۋعا ۇمتىلاتىن جاستار ماقتاۋعا تۇرارلىق. ارينە، وسىنداي باتىل دا ەرجۇرەك بالانى ءوسىرىپ، تاربيەلەگەن نۇرسۇلتاننىڭ اتا-اناسىنا العىس ايتقىمىز كەلەدى. وسىنداي جىگەرلى بالالاردىڭ قالىپتاسۋى بارىسىندا مەكتەپ پەن ءبىلىم وردالارىنداعى ۇستازداردىڭ اتقاراتىن ءرولى وراسان. ءبىزدىڭ ورتاق ماقساتىمىز – وسكەلەڭ ۇرپاقتىڭ كۇشتى، جىگەرلى، باتىل بولىپ وسۋىنە بارىنشا قولىمىزدان كەلگەنشە ارەكەت ەتۋ. نۇرسۇلتان سياقتى جاستار – ءبىزدىڭ زامانىمىزدىڭ ناعىز باتىرلارى»،- دەدى مينيستر ءشامشيدينوۆا.
پىكىر قالدىرۋ