كەز كەلگەن مەملەكەتتىڭ ەكونوميكاسىنىڭ نەگىزىن شاعىن جانە ورتا بيزنەس قۇرايدى.
سوندىقتان جاڭاوزەندىكتەردىڭ اراسىندا كاسىپكەرلىكپەن اينالىسامىن دەۋشىلەردىڭ قاتارى جىلدان-جىلعا كوبەيۋدە، سەبەبى بيزنەستى جۇرگىزۋ ءۇشىن ءتۇرلى اكىمشىلىك كەدەرگىلەر قىسقارۋدا، كاسىپكەرلەردىڭ بەلسەندىلىگىن ىنتالاندىرۋ ءۇشىن سالىقتىق جەڭىلدىكتەر زاڭدى تۇرعىدا قاراستىرىلعان، كاسىپكەرلىكتى قولداۋعا باعىتتالعان ءبىرقاتار مەملەكەتتىك باعدارلامالار قولدانىسقا ەنگىزىلدى، ياعني ءبىر سوزبەن ايتقاندا جەكە كاسىپكەرلەر مەملەكەت تاراپىنان قولداۋدى سەزىنۋدە. 
وسى ورايدا، ماڭعىستاۋ وبلىسىندا ورتا جانە شاعىن بيزنەستى قولداۋ ماقساتىندا قولعا الىنعان «نۇر كاپيتال» جوباسى وتە جاقسى باستاما دەپ ايتۋعا بولادى.
سەبەبى «نۇر كاپيتال» جوباسى ارقىلى جۇزدەگەن جاڭا جۇمىس ورىندارى قۇرىلىپ، ءوڭىر ەكونوميكاسىنا جاڭا سەرپىنىس بەرىلەدى. 
بۇگىن، جاڭاوزەن قالاسىندا جەكە كاسىپكەر سارىيەۆا ساۋلە ساعىن قىزىنىڭ باستاماسىمەن «Adai Fight club» سپورت كلۋبى حالىقتىڭ يگىلىگىنە تاپسىرىلدى.
سپورت كلۋبى زاماناۋي سپورتتىق قۇرالدارمەن جابدىقتالىپ، ارالاس جەكپە-جەك سپورت تۇرلەرىمەن اينالىسامىن دەۋشىلەرگە بارلىق جاعداي جاسالعان. جوسپار بويىنشا ءتۇرلى جاس شاماسىنداعى بالالاردان باستاپ ەرەسەك ازاماتتارعا دەيىن شامامەن 150-گە جۋىق ادامدى تارتۋ كوزدەلىپ وتىر. ەرەسەكتەر ءۇشىن فيتنەس ورتالىق قۇرىلعان. وسى جوبانى ىسكە اسىرۋعا بارلىعى 7،0 ملن.تەڭگە بولىنگەن. كلۋبتىڭ اشىلىۋىنا اسكەري سامبودان الەمنىڭ 3-دۇركىن چەمپيونى ارمان وسپانوۆ قاتىستى. 
پىكىر قالدىرۋ