اپاتتان زارداپ شەككەن ارىس قالاسىنا شىعىس-قازاقستاندىقتار دا قول ۇشىن سوزىپ جاتىر. بۇل ماقساتتا ارنايى شتاب قۇرىلىپ، ونى وبلىس اكىمى دانيال احمەتوۆ باسقاردى دەپ حابارلايدى Qamshy.kz اقپارات اگەنتتىگى.
– بۇل – تەك ارىستىقتاردىڭ عانا ەمەس، بۇكىل ەلدىڭ باسىنا تۇسكەن اۋىر سىناق. وسىنداي سىن ساعاتتا اۋىزبىرشىلىك تانىتىپ، كومەك قولىن سوزۋ ازاماتتىق پارىزىمىز. سوندىقتان جەرگە مەملەكەتتىك قىزمەتشىلەرمەن قاتار، بيزنەس وكىلدەرى مەن جۋرناليستەردى دە شاقىردىم. جەرلەستەرىمىز ارىستىقتاردىڭ قايعىسىنا بەيجاي قارامايدى دەپ سەنەمىن. ءقازىر اپاتتان زارداپ شەككەن وتباسىلاردىڭ بالالارىن شىعىس قازاقستانداعى لاگەرلەردە جىبەرۋ ماسەلەسىن قاراستىرىپ جاتىرمىز، – دەدى وبلىس باسشىسى دانيال احمەتوۆ.
ايماق باسشىسىنىڭ ايتۋىنشا، ارىس حالقىنا كورسەتىلەتىن ماتەريالدىق جانە گۋمانيتارلىق كومەكتەر جۇيەلى ءارى جاريالى جۇرگىزىلەدى.
بۇگىنگى تاڭدا اپات بولعان ايماقتىڭ تۇرعىندارىنا العاشقىلاردىڭ ءبىرى بولىپ «بيپەك اۆتو – ازيا اۆتو» كومپانيالار توبى قول ۇشىن سوزدى.
سونىمەن قاتار قايىرىمدىلىق اكسياسىنا «نۇر وتان» پارتياسىنىڭ وكىلدەرى، قالا-اۋداندارداعى جاستار رەسۋرستىق ورتالىقتارىنىڭ مۇشەلەرى، مەشىت يمامدارى جانە قاراپايىم تۇرعىندار بەلسەندى اتسالىسىپ جاتىر. ءقازىردىڭ وزىندە شىعىس قازاقستان وبلىسىنداعى اۋدان ورتالىقتارى مەن قالالاردا ارىسقا گۋمانيتارلىق كومەك كورسەتۋ ءۇشىن قۇرىلعان 20-عا جۋىق پۋنكت جۇمىس ىستەپ تۇر. ول جەرلەردە حالىق تۇتىناتىن ءبىرىنشى كەزەكتەگى قاجەتتى دۇنيەلەر، ونىڭ ىشىندە ازىق-تۇلىك، كيىم-كەشەك، گيگيەنالىق زاتتار جانە باسقا دا قاجەتتىلىكتەر قابىلدانۋدا. جينالعان گۋمانيتارلىق كومەك جاقىن كۇندەرى تۇركىستان وبلىسىنا جىبەرىلەدى.
وبلىس ورتالىعى وسكەمەن قالاسىنداعى گۋمانيتارلىق كومەك كورسەتۋ جونىندەگى ارنايى شتاب پوتانين كوشەسى 27/1 (جاستار رەسۋرستىق ورتالىعى) مەكەن جايىندا ورنالاسقانىن ەستەرىڭىزگە سالا كەتەيىك.
سونىمەن قوسا ارىستىقتارعا كومەك كورسەتكىسى كەلەتىن ادامدار وبلىس اكىمدىگىنىڭ جانىنداعى «تۇركىستان» كورپوراتيۆتىك الەۋمەتتىك دامۋ قورىنا حابارلاسۋىنا بولادى. قور رەكۆيزيتتەرى:
مەكەنجايى: تۇركىستان وبلىسى، تۇركىستان قالاسى، قىزىلوردا تاس جولى، 34 ا عيماراتى؛
پوشتا يندەكسى – 161200؛
بسن (بين) – 100440016000؛
«ForteBank» اق تۇركىستان قالاسىنداعى فيليالى:
جسك (ييك) – KZ7196528F0007014540؛
بسك (بيك) – IRTYKZKA.
وسكەمەندەگى تەلەفون نومىرلەرى: 71-31-50، 71-32-77 (وبلىس اكىمىنىڭ اپپاراتى).
پىكىر قالدىرۋ