استانا قالالىق جاستار ءماسليحاتىنىڭ VII شاقىرىلىمنىڭ ەكس-دەپۋتاتى ديناگۇل تاسوۆا نۇرسۇلتان قۇرماننىڭ Youtube ارناسىندا سۇحبات بەردى دەپ جازادى Qamshy.kz اقپارات اگەنتتىگى. 

«Fashion Night Astana» ءسان كورسەتىلىمىندە جالاڭاش ءتوسىن كورسەتىپ، ەلدىڭ سىنىنا ۇشىراعان ەكس-دەپۋتات ديناگۇل تاسوۆا وزىنە قاتىستى سۇراقتارعا جاۋاپ بەردى.

ەكس-دەپۋتات:

"حالىق مەنىڭ سۋرەتىم ارقىلى ءوز ويىن ءبىلدىرىپ قويادى. "نەگە قازاقتىڭ قىزى بۇلاي ءجۇر؟، اكە-شەشەسى نە قاراپ ءجۇر" دەگەن سەكىلدى ءوز ويىن مەنىڭ سۋرەتىممەن بىلدىرەدى. شەشىنۋ دەگەن باستى پروبلەما ەمەس قوي. بىزدە باسقا دا پروبلەمالار بار. نەگە ەكەنىن بىلمەيمىن، ەلدىڭ ءبارى شەشىنگەنگە قۇمار. ءبىراق بۇل تالقىلايتىن دۇنيە ەمەس. ولار بارلىعىن "قازاقتىڭ قىزى" دەگەن ۇعىمعا تىعىپ قويادى. مەن قازاق قىزى بولعانىممەن ماماندىعىم بولەك، ياعني ماماندىعىم – جۋرناليست. ودان بولەك — مودەل سالاسىندامىن. مەن سول ارقىلى باردىم، ول دۇنيەگە. ماماندىعىم ارقىلى. وزدەرىڭىز بىلەسىزدەر، جاقىندا اتىراۋدا ارابتارمەن بولعان جاعدايدا ءبىر فوتوعا بولا قانشاما دۇنيەنى ايتىپ تاستادىق. مەن العاش كورگەندە سۋرەتتى جاي عانا بىرگە جۇمىس جاسايتىن شىعار دەپ ويلادىم. مۇلدەم ارام ويىم بولعان جوق. كەيىن زەرتتەپ قاراسام، ول جىگىت تىكەلەي ەفيرگە قازاق قىزىمەن ءجۇرمىن دەگەن سەكىلدى سالعان ەكەن. مەنى ول قىزدارمەن سالىستىرماڭىزدار. ول قىز قايدا، مەن قايدا. مەن ءوز ماماندىعىممەن جۇمىس ىستەپ ءجۇرمىن. مودەل قىز بولعان سوڭ قولىم بوس كەزدە تاپسىرىستار بولادى. تاپسىرىس تۇرلەرى دە ءارتۇرلى. ءقازىر كوبىسى "حايپ" دەپ جاتىر، بۇل "حايپ" ەمەس. مەن ءوز ومىرىمە ءوزىم "حايپ" جاسامايتىن اداممىن. ءقازىر كوپ قىزدار جاعاجايدا، ۇيدە شەشىنىپ جاتىر. ءبىرازى الەۋمەتتىك جەلىگە جۇكتەيدى. سونى كورگەندەر "مىنە قازاقتىڭ قىزى، ول ءوزى كوپشىلىك الدىندا شەشىندى عوي" دەپ حايپتى ءوز ومىرىنە ىعىستىرىپ تاستايدى. سوسىن بىرەۋ سۇراسا، بۇل مەنىڭ "جەكە" ءومىرىم دەيدى. مەن ولاي ايتا المايمىن. مەن بارلىعىمەن ساناسامىن. ءاربىر ادامنىڭ پىكىرىن تىڭدايمىن. دەپۋتاتتىق ماعان ءبىر جىل ۋاقىتقا 2018-دە بەرىلگەن ماندات بولدى.

مەنى دەپۋتات رەتىندە قاراستىرعان بولەك اڭگىمە. ال مەن ءقازىر مودەل رەتىندە اڭگىمە ايتىپ جاتىرمىن. مەن مەملەكەتتىك قىزمەتكەر ەمەسپىن عوي. وكىنگەن كەزدەرىم بولدى. ەگەر ماعان تاعى ۇسىنىس تۇسسە، تاعى دا شىعامىن. بۇل مەنىڭ جەپ وتىرعان نانىم عوي"،-دەيدى.

مودەل بولىپ نان تاۋىپ جۇرگەن ەكس-دەپۋتات قىزدارعا "ءوزىن دۇرىس تانىپ، ىسىمە ەلىكتەمەسىن"،- دەيدى.

ديناگۇل تاسوۆا:

"ماعان كوپتەگەن ادامدار اقشا ۇسىنادى. ءبىراق مەن ار-نامىسىمدى اقشاعا ساتپايمىن. دەنەمنىڭ جالاڭاش بولعانى، جان دۇنيەمنىڭ دە اشىق ەكەنىن بىلدىرمەيدى."،- دەپ جاۋاپ بەردى وزىنە قاتىستى سۇراققا.