اتىراۋ وبلىسىنىڭ اكىمى نۇرلان نوعايەۆ وبلىستىق ءماسليحاتتىڭ دەپۋتاتتارىنا ءوڭىردىڭ اعىمداعى جىلدىڭ ءبىرىنشى جارتىجىلدىعىندا دامۋى تۋرالى باياندادى دەپ جازادى Qamshy.kz اقپارات اگەنتتىگى.

اتىراۋ وبلىسىنىڭ الەۋمەتتىك - ەكونوميكالىق دامۋىنا ءوسىم ءتان. الدىمەن، ءوڭىر ەكونوميكاسىنىڭ دامۋىنا مۇناي-گاز سەكتورى ىقپال ەتىپ وتىر. سونىڭ ىشىندە، يندۋستريالىق-يننوۆاسيالىق دامۋ جوبالارى بار. وتكەن ءتورت جىلدا جالپى سوماسى 3،17 ترلن. تەنگە 35 جوبا ىسكە اسىرىلىپ، بۇل قوسىمشا 3،8 مىڭ جۇمىس ورنىن قۇرۋعا مۇمكىندىك بەردى.

وبلىس اكىمى اتاپ وتكەندەي، ەكونوميكانى ديۆەرسيفيكاسيالاۋ ءوڭىردىڭ كوپتەگەن ماسەلەلەرىن شەشۋگە مۇمكىندىك بەرەدى. ءبىرىنشى جارتىجىلدىقتا اۋىل شارۋاشىلىعىنىڭ جالپى كولەمى 22،3 ملرد. تەڭگەنى قۇرادى. اگروونەركاسىپ سەكتورىن قارجىلاندىرۋدىڭ ارقاسىندا تامشىلاپ سۋارىلاتىن ەگىستىك القابى 2،8 مىڭ گەكتارعا دەيىن ۇلعايدى. بۇل ەگىستىكتىڭ جالپى اۋماعىنىڭ ۇشتەن ءبىرى. سۋ تاپشىلىعىن سەزىنىپ وتىرعان ايماقتا تامشىلاپ سۋارۋ ءادىسى شارۋالارعا ۇلكەن كومەك بولارى ءسوزسىز.

ءمۇيىزدى ءىرى قارا مالدىڭ سانى تۇراقتى وسۋدە. اۋىلدىق كاسىپكەرلەردىڭ نەسيەگە قولجەتىمدىلىگىن قامتاماسىز ەتۋ ءۇشىن «اۋىل شارۋاشىلىعىن قارجىلىق قولداۋ قورى» ارقىلى جەڭىلدەتىلگەن مولشەرلەمەمەن نەسيەلەۋگە جىل سايىن جەرگىلىكتى بيۋدجەتتەن قارجى بولىنەدى. 2013-2019 جىلدارى وسى ماقساتتا 2 ملرد. 357 ملن. تەڭگە ءبولىنىپ، 416 بيزنەس-جوبا قارجىلاندىرىلدى. 2019 جىلى «اۋىل-ەل بەسىگى» جوباسى اياسىندا پەرسپەكتيۆالىق اۋىلدىق ەلدى مەكەندەردىڭ الەۋمەتتىك جانە ينجەنەرلىك ينفراقۇرىلىمىن دامىتۋعا مەملەكەت قازىناسىنان 900 ملن. تەڭگە ءبولىندى. 

وبلىس اكىمى اتاپ وتكەندەي، تۇرعىن ۇيمەن قامتاماسىز ەتۋ حالىقتىڭ ءال-اۋقاتىنىڭ نەگىزى بولىپ تابىلادى. جىل باسىنان بەرى وبلىستا 378،6 مىڭ شارشى مەتر تۇرعىن ءۇي پايدالانۋعا بەرىلدى. دەنساۋلىق ساقتاۋ جانە ءبىلىم بەرۋ سالاسى قىزمەتكەرلەرى ءۇشىن 297 پاتەرلىك 4 تۇرعىن ءۇي كەشەنىنىڭ قۇرىلىسى اياقتالدى. بارلىعى، بيىل 3395 پاتەرلىك 40 تۇرعىن ءۇيدىڭ قۇرىلىسىن اياقتاۋ جوسپارلانعان. بۇدان بولەك، 5 531 پاتەرلىك 77 كوپپاتەرلى تۇرعىن ءۇيدىڭ قۇرىلىسى جۇرگىزىلۋدە.

قازىرگى كەزدە وبلىس حالقىنىڭ 98،4% تابيعي گازبەن قامتىلعان. ازعىر ءوڭىرىنىڭ 10 اۋىلىن گازداندىرۋ ارقىلى بۇل كورسەتكىش 99،5% جەتەدى. ازعىر ءوڭىرىن گازداندىرۋ جۇمىستارى اياقتالدى، گازدى ەلدى مەكەندەرگە جەتكىزۋ جۇمىستارى باستالدى.

ەسەپ بەرۋ كەزىندە وبلىس اكىمى ۇكىمەتتىڭ 15 شىلدەدەگى كەڭەيتىلگەن وتىرىسىنداعى پرەزيدەنتتىڭ بەرگەن تاپسىرمالارىنا توقتالدى. وسى تاپسىرمالاردى ورىنداۋ ءۇشىن ءوڭىر باسشىسى جەرگىلىكتى اتقارۋشى ورگانداردىڭ الدىنا ءوڭىردىڭ ودان ءارى الەۋمەتتىك-ەكونوميكالىق دامۋى بويىنشا ءبىرقاتار مىندەتتەر قويدى. 

"قاراپايىم زاتتار ەكونوميكاسى" اياسىندا سۇرانىسقا يە جانە ولاردى اتىراۋ وبلىسىندا شىعارۋ ءتيىمدى بولاتىن حالىق تۇتىناتىن تاۋارلاردىڭ ءوندىرىسىن ۇيىمداستىرۋ قاجەت. اگروونەركاسىپ سالاسىنداعى باعدارلامالاردىڭ، جوبالاردىڭ تيىمدىلىگىن ارتتىرۋ ءۇشىن ولارعا تالداۋ جاسالادى.

ءوڭىر باسشىسى، سونداي-اق، ادرەستى الەۋمەتتىك كومەكتى تاعايىنداۋ، جۇمىسپەن قامتۋ باعدارلامالارىنىڭ تيىمدىلىگىن ارتتىرۋ، تۇرعىن ۇيمەن قامتاماسىز ەتۋ، جاستاردى قولداۋ، مەديسينالىق قىزمەت ساپاسىن جاقسارتۋ، اۆاريالىق جاعدايداعى مەكتەپتەر مەن ءۇش اۋىسىممەن وقىتاتىن مەكتەپتەر پروبلەماسىن شەشۋ ماسەلەلەرى، ەكولوگيالىق احۋالدى جاقسارتۋ شارالارى جونىندە ءتيىستى ورگاندارعا ناقتى تاپسىرمالار بەردى.