اتىراۋدا وزبەكستان ازاماتتارى ەگىن باسىندا جانە قۇرىلىستا زاڭسىز ەڭبەك ەتكەن دەپ جازادى Qamshy.kz اقپارات اگەنتتىگى. 

كوشىن –قون قىزمەتى انىقتاعاندىنداي 15 ەر ازامات قالا سىرتىنداعى الىپ قۇرىلىستاردىڭ بىرىندە زاڭسىز جۇمىس جاساعان. قۇرىلىسشىلار 3 قاتارلى جاتاقحانا سالىپ جاتقان كورىنەدى. ولاردىڭ بارلىعىنا ق ر اقبتك 517 بابى 5 ب. حاتتامالار تولتىرىلىپ، سوتقا جولداندى. سونىمەن قاتار، شەت ەلدىكتەردى زاڭسىز جۇمىسقا تارتقان اتىراۋ تۇرعىنىنا قاتىستى اكىمشىلىك شارا قولدانىلىپ، 126 مىڭ تەڭگە كولەمىندە ايىپپۇل سالىندى.

وزبەك ازاماتتار ەگىس القاپتارىندا دا جۇمىس جاساعان. اتىراۋ سەلولىق وكرۋگىندەگى شارۋا قوجالىقتارىنىڭ بىرىندە 10 ازامات انىقتالدى. ولار ەل اۋماعىنا كىرۋ زاڭدىلىعىن بۇزعانىمەن قويماي، رۇقسات ەتىلمەگەن قىزمەتپەن اينالىسىپ، ءناپاقا تاپقان.

جالپى 16-19 شىلدە ارالىعىندا وتكەن «زاڭسىز كەلۋشى» جەدەل الدىن الۋ شاراسى بارىسىندا تيىسىنشە قۇجاتتارىن كورسەتە الماعان 34 شەت ەلدىك قابىلداپ ءبولۋ ورتالىعىنا جەتكىزىلسە، 14 وزگە ەل ازاماتى قازاقستاننان سوت ۇكىمىمەن شىعارىلعان.

زاڭدا شەت ەلدىكتەردى قىزمەتكە تارتۋ كورسەتىلگەنىن بىلە تۇرا، ارزان ەڭبەك كۇشىنە قىزىققان 43 قازاقستان ازاماتارى ەندى قوماقتى ايىپپۇل وتەۋگە ءماجبۇر.