شاۆكات ميرزيايەۆ پرەمەر-مينيستر ابدۋللا اريپوۆكە جانە پرەزيدەنت اكىمشىلىگىنىڭ باسشىسى زاينيلوبيددين نيزوميددينوۆكە فەرعانا، حورەزم جانە قاشقاداريا وبلىستارىنىڭ اكىمدەرىن قىزمەتتەن الۋ ماسەلەسىن قاراۋدى تاپسىردى دەپ جازادى Qamshy.kz اقپارات اگەنتتىگى.
2-تامىزدا وتكەن جينالىستا پرەزيدەنت شاۆكات ميرزيايەۆ ايماق باسشىلارىنىڭ جۇرگىزىپ وتىرعان ساياساتىن سىنادى.
"مەن اريپوۆ پەن نيزوميددينوۆكە اكىمدەردى قىزمەتتەن الۋعا قاتىستى ۇسىنىس جاساۋىن سۇرايمىن. مۇنداي ساياساتپەن ۇزاققا بارمايمىز. كۇشتەۋ ساياساتىنىڭ پايداسى بولسا، وتىز جىلدا وركەندەپ كەتەر ەدىك"، – دەدى شاۆكات ميرزيايەۆ.
بۇنىڭ الدىندا وزبەكستاننىڭ ءبىرقاتار ايماقتارىندا تۇرعىندار ۇيلەردىڭ زاڭسىز سۇرىلۋىنە قارسى نارازىلىق اكسياسىن وتكىزگەن.
پىكىر قالدىرۋ