Jah Khalib ءوزىنىڭ الماتى شاھارىن قاتتى جاقسى كورەتىنى تۋرالى ايتتى. ونىڭ ايتۋىنشا، «الماتىلىق» دەگەن ءسوزدىڭ ءوزى ادەمى ەستىلەدى دەپ جازادى Qamshy.kz اقپارات اگەنتتىگى.

«قالادا اللەيالار مەن ساياباقتار كوپ. الماتى – قازاقستاننىڭ مادەني استاناسى. الماتى – ەڭ ۇلكەن ءارى تمد كولەمىندە تانىمال شاھار. «قازاقستان» دەگەندى ەستىگەندەردىڭ ءبارى «الماتىنى» ەسكە سالادى. ءوز ۋاقىتىندا بۇل قالادا قازاقستاننىڭ بۇكىل ينتەلليگەنسياسى جيىلعان»، - دەيدى Jah Khalib.

ءانشىنىڭ ايتۋىنشا، الماتى – شىعارماشىلىق ادامدارى ءۇشىن ەڭ تاماشا قالا.

«ءبىر جاعىنان الماتى سوۆەتتىك كەزەڭنىڭ تاريحى، ەسكى قالا. ءبىر جاعىنان ءقازىر الماتىدا زاماناۋي قۇرىلىستار كوپ، وركەندەپ كەلەدى»، - دەيدى ءانشى.

وڭتۇستىك استانا Jah Khalib ءۇشىن فونتاندارىمەن، قىدىرعان ۋاقىتتارىمەن، اللەيالارىمەن، العاشقى ماحابباتىمەن جانە باتىرحان شۇكەنوۆتىڭ شىعارماشىلىعىمەن ىستىق.

«باتىرحان شۇكەنوۆ ءوزىنىڭ ەڭ ۇزدىك تۋىندىلارىن الماتىدا جازعان. وسى كىسى مەنىڭ شىعارماشىلىققا بەت بۇرۋىما ىقپال ەتتى. ونىڭ ومىردەن ەرتە وتكەنى وكىنىشتى»، - دەيدى Jah Khalib.