اقتاۋدا ۇستازداردىڭ باسىن قوسقان «كەلەشەككە  – كەمەل بىلىممەن!» تاقىرىبىندا وبلىستىق تامىز كونفەرەنسياسىنىڭ پلەنارلىق وتىرىسى ءوتتى.

كونفەرەنسياعا وبلىس اكىمى س. ترۇموۆ، وبلىس اكىمىنىڭ ورىنباسارلارى، وبلىستىق ءماسليحات حاتشىسى، دەپۋتاتتار، قربجعم، «نزم» دببۇ، پشو فيليالىنىڭ وكىلدەرى، وبلىستىق باسقارما باسشىلارى، اۋدان مەن قالا اكىمدەرى مەن ورىنباسارلارى، اۋداندىق، قالالىق ءبىلىم بولىمدەرىنىڭ باسشىلارى، وبلىس پەداگوگتارى، ءبىلىم بەرۋ ۇيىمدارىنىڭ باسشىلارى،  ارداگەر ۇستازدار، ۇكىمەتتىك ەمەس ۇيىمدار جانە قامقورشىلىق كەڭەستەر وكىلدەرىنەن قۇرالعان بارلىعى 450 ادام جينالدى.

جيىن بارىسىندا وبلىس اكىمى س. ترۇموۆ ۇستازدار قاۋىمىن جاڭا وقۋ جىلىمەن قۇتتىقتاپ، ءبىلىم سالاسىندا العا قويىلعان مىندەتتەر تۋرالى بايانداپ، ولاردى شەشۋ بويىنشا ناقتى تاپسىرمالار بەردى.

وبلىستىق ءبىلىم باسقارماسىنىڭ باسشىسى ا. سەيدالييەۆ ءبىلىم سالاسىن دامىتۋ باعىتىنداعى اتقارىلعان جۇمىستار بويىنشا بايانداماسىن جاساپ، جاڭا وقۋ جىلىنداعى جاڭاشىلدىقتارمەن تانىستىردى. باستى جاڭالىقتار ۇستىمىزدەگى جىلى «پەداگوگ مارتەبەسى» تۋرالى زاڭنىڭ قابىلدانۋى جانە 2025 جىلدارعا ارنالعان ءبىلىم بەرۋدى جانە عىلىمدى دامىتۋدىڭ  مەملەكەتتىك  باعدارلاماسىنىڭ بەكىتىلۋى.

بۇدان باسقا جيىندا ءبىلىم سالاسىنىڭ بارلىق دەڭگەيلەرىن دامىتۋ بارىسىنداعى باياندامالارمەن ق ر بعم وكىلىنىڭ، مدۇ، ورتا جانە تەحنيكالىق جانە كاسىپتىك ءبىلىم بەرۋ ۇيىمدارىنىڭ باسشىلارى، نازاربايەۆ زياتكەرلىك مەكتەبىنىڭ،«ءبىلىم-يننوۆاسيا» قورىنىڭ وكىلى ءسوز سويلەدى.

جيىن بارىسىندا، ءبىلىمدى دامىتۋداعى قوسقان ۇلەستەرى ءۇشىن ءبىرقاتار پەداگوگتار «قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى»، «ى. التىنسارين» توسبەلگىلەرىمەن، ق ر ءبىلىم جانە عىلىم ءمينيسترىنىڭ جانە وبلىس اكىمىنىڭ  العىس،  قۇرمەت گراموتالارىمەن ماراپاتتالدى.

سونىمەن قاتار، جىل سايىنعى «ورتا ءبىلىم بەرەتىن ۇزدىك ۇيىم» گرانتىنىڭ جەڭىمپازى اتانعان ءۇش مەكتەپكە قارجىلىق سەرتيفيكاتتار تابىستالدى.