1 قىركۇيەكتەن باستاپ ماڭعىستاۋداعى بارلىق مەكتەپ، كوللەدج جانە جوعارى وقۋ ورىندارىندا «كاسىپكەرلىك نەگىزدەرى» ءپانى وقىتىلا باستايدى.  وبلىستىڭ 100-گە جۋىق ۇستازى وسى باعىتتا كۋرستان ءوتىپ، جاڭا ءپاندى وقىتۋ ادىستەمەسىن ۇيرەنىپ جاتىر. وسى ماقساتتا اقتاۋداعى Iت ليسەيگە 10-سىنىپ وقۋشىلارىنا ارنالعان ءپاندى ۇيرەتۋشى 60 پەداگوگ جينالدى.

تالىمگەرلەردىڭ ءبىرى اقتاۋداعى № 11 فيزيكا-ماتەماتيكا مەكتەبىنىڭ ءمۇعالىمى ليزا مىڭبايەۆا. تاريح ءپانىنىڭ ءمۇعالىمى جاڭا ساباقتى نەگىزگى جۇمىسىمەن قوسا الىپ جۇرمەك. ونىڭ ايتۋىنشا، «كاسىپكەرلىك نەگىزدەرى» ءپانىنىڭ وقۋشىلارعا بەرەرى مول. كوبىنە وقۋشىلار گرانت جەڭىپ الۋ ءۇشىن اتا-انالارى تاڭداعان نەمەسە تۇلەكتەر از تاپسىرعان ماماندىقتارعا بارادى. جوو بىتىرگەن سوڭ وزدەرىن تابا الماي، كوبىنە جۇمىسسىز جۇرەدى. مەكتەپ قابىرعاسىنان بيزنەستى ۇيرەتسەك، كەز-كەلگەن جاعدايدا جەكە كاسىبىن اشىپ، تىعىرىقتان جول تاباتىن بولادى. بىزدە تەك قاراجاتى بار ادامدار عانا كاسىپ باستاي الادى دەگەن تۇسىنىك بار. ولاي ەمەس. «نولدەن» باستاپ بيزنەستى وركەندەتۋ جولدارىن وقۋشىلارعا كەڭىنەن وقىتاتىن بولامىز،- دەيدى ليزا مىڭبايەۆا.

«اتامەكەن» ق ر ۇكپ جانە ق ر ءبىلىم جانە عىلىم مينيسترلىگى بىرلەسىپ وقۋ باعدارلاماسىنا «كاسىپكەرلىك نەگىزدەرى» ءپانىن ەنگىزدى. وسى ماقساتتا نۇر-سۇلتان قالاسىندا الدىمەن بيزنەس-ترەنەرلەر دايىندىقتان ءوتتى. ەندى ولار جەرگىلىكتى ۇستازدارعا بىلگەن-تۇيگەنىن ۇيرەتۋدە. 

         - «مەن 27 جىلدان بەرى كاسىپكەرمىن، 4 جىلدان اسا ءدارىس ۇيرەتىن كەلەمىن.ءار ادامنىڭ بويىندا بەلگىلى ءبىر كاسىپكە دەگەن بەيىمدىلىك بار. سونى ءدوپ باسىپ، اشا الۋىمىز كەرەك. بالا بويىندا تاۋەكەلگە بەل بۋ، ۇتقىرلىق، تاپقىرلىق، شەشىم قابىلداۋ، جاۋاپكەرشىلىكتى موينىنا الۋ سىندى كاسىپكەردە بولۋى ءتيىس قاسيەتتەردى دامىتۋىمىز قاجەت. 10 كۇن ىشىندە ءبىر جىل بويى وتەتىن 68 ساباققا شولۋ جاسايمىز، ءادىس-تاسىلىن ۇيرەتەمىز. وقۋشىلارعا مەيلىنشە تۇسىنىكتى تىلمەن، ويىن تۇرىندە سىڭىرۋگە ۇمتىلامىز. ۇستازدار دا وسىنى ءتۇسىنىپ، كۋرسقا بار ىنتاسىمەن قاتىسۋدا»، دەيدى بيزنەس-ترەنەر شولپان تۇسىپبەكوۆا.

ماڭعىستاۋلىق 60 مەكتەپ ءمۇعالىمى، 26 كوللەدج وقىتۋشىسى، جوعارى وقۋ ورىندارىنىڭ 4 وقىتۋشىسى ارنايى ءدارىس الۋدا.  10 كۇندىك كۋرستان وتۋگە ءوڭىردىڭ شالعاي اۋىلدارىنان باستاپ ورتالىقتاعى ۇستازدار دا بەلسەندىلىك تانىتتى. وقۋ كۋرس بارىسىندا وقىتۋشىلار ماركەتينگتىك زەرتتەۋ جۇرگىزۋ، اناليز جاساۋ، بيزنەس-مودەل، جوسپارلاۋ، كاسىپكەرلىك مادەنيەت جانە ت.ب. تاقىرىپتار بويىنشا ءبىلىم الادى.

جاڭا وقۋ جىلىنان باستاپ «كاسىپكەرلىك نەگىزدەرى» ءپانىن مەكتەپتەردىڭ 10-سىنىپ وقۋشىلارى، كوللەدجدەر مەن جوعارى وقۋ ورىندارىنىڭ جوعارى كۋرس ستۋدەنتتەرى وقيدى، كەلەسى جىلى ءپان 11-سىنىپ وقۋشىلارىنا دا وقىتىلادى. جاڭا ەلەكتيۆتى پانگە اپتاسىنا 2 رەت، بارلىعى 68 ساعات بولىنگەن.

ەستەرىڭىزگە سالايىق،  «كاسىپكەرلىك نەگىزدەرى» ءپانى اقتاۋ قالاسىنداعى  Iت ليسەي مەن ءبىرقاتار كوللەدجدەردە پيلوتتىق جوبا نەگىزدە وقىتىلعان بولاتىن. جوبانىڭ تيىمدىلىگى ەسكەرىلە كەلە «اتامەكەن» ۇكپ مەن ءبىلىم جانە عىلىم مينيسترلىگىنىڭ بىرلەسكەن جوباسى رەتىندە رەسپۋبليكانىڭ بارلىق مەكتەپتەرىنە ەنگىزۋ جونىندە شەشىم قابىلداندى. سونداي-اق، بۇل ءپان جوعارعى جانە ورتا ارناۋلى وقۋ ورىندارىنىڭ جوعارعى كۋرس ستۋدەنتتەرىنىڭ وقۋ باعدارلامالارىنا دا ەنگىزىلەتىن بولادى.