ەلباسىنىڭ جولداۋىندا جۇكتەلگەن مىندەتتەردى جۇزەگە اسىرۋ ماقساتىندا اۋداندا كاسىپكەرلەردى قولداۋ، حالىقتى الەۋمەتتىك قورعاۋ جانە جۇمىسپەن قامتاماسىز ەتۋ ماسەلەلەرى قولعا الىنعان.
اعىمداعى جىل باسىنان بەرى ءۇرجار اۋدانىنا 4 ميلليارد 783 ميلليون تەڭگەدەن استام ينۆەستيسيا تارتىلعان. بۇل 2018 جىلدىڭ ءتيىستى كەزەڭىمەن سالىستىرعاندا الدەقايدا جوعارى. ال بولشەك ساۋدا تاۋار اينالىمىنىڭ كولەمى 8 ميلليارد 957 ميلليون 700 مىڭ تەڭگەنى قۇراپ وتىر. ءقازىر اۋداندا اسىل تۇقىمدى مال شارۋاشىلىعىن دامىتۋدا مەملەكەتتىك قولداۋ شارالارى جالعاستىرىلۋدا. اسىل تۇقىمدى ءىرى قارا مالدارىن دامىتۋمەن اۋداننىڭ 11 قوجالىعى، اسىل تۇقىمدى قوي شارۋاشىلىعىمەن 4 قوجالىق اينالىسادى. بۇگىنگى كۇنى، اۋدان بويىنشا جالپى مال باسىنان اسىل تۇقىمدى ءىرى قارا مالىنىڭ ۇلەسى 4،9% (4980 باس)، اسىل تۇقىمدى قويدىڭ ۇلەسى 4،2 % (8157 باس) قۇرايدى.
– «وتاندىق ءسۇت باعىتىنداعى مال شارۋاشىلىعىن دامىتۋ» ماقساتىندا «يۋبيلەينىي» ج ش س (جوبا قۇنى 100،0 ملن. تەڭگە ءوز قاراجاتىنا) جانە «ساعادي» شارۋا قوجالىعى (جوبا قۇنى 283،0 ملن. تەڭگەگە «كازاگروقارجى» اق-ى نەسيە قاراجاتى) بازالارى نەگىزىندە جالپى سيىمدىلىعى 400 باسقا ارنالعان ءسۇتتى-تاۋارلى فەرمالارى ىسكە قوسىلىپ، جۇمىستارىن جۇرگىزۋدە، – دەدى سەرىك زاينۋلدين.
پىكىر قالدىرۋ